СИА хаартыската.
Убаастабыллаах Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан Өлүөнэ өрүс күнүнэн эҕэрдэлиибин. Өлүөнэ өрүс — улахан, киэҥ нэлэмэн эрэ буолбакка, кини биһиги өрөспүүбүлүкэбит дууһата, күүһэ-уоҕа, көлүөнэлэр ситимнэһиилэрэ буолар.
Былыргыттан Саха норуотун дьылҕатыгар улахан суолталаах. Өрүс суолунан өбүгэлэрбит айанныыллара, саҥа саҕахтары арыйбыттара, дьиэҕэ-уокка, төрөөбүт дойдуга айаны ситимниир. Бүтүн Саха сирин устуоруйата буолар.
Билигин даҕаны Өлүөнэ эбэ өрөспүүбүлүкэ тырааныспарын суолун хорук тымыра буолар. Аныгы логистическай маршрут сайынна, Өлүөнэ эбэнэн хоту таһаҕас тиэйии оҥоһуллар, ол курдук ыраах тайаан сытар хоту нэһилиэктэргэ астан-үөлтэн уматыкка тиийэ тиэрдиллэр.
Өрөспүүбүлүкэбит сайдыытын сүрүн суолталаах түһүмэҕинэн Өлүөнэ муостатын тутуу буолар. Бу бырайыак олоххо киириитин хас да көлүөнэ саха дьоно күүппүттэрэ.Бу бөдөҥ инфраструктурнай эбийиэк Сахабыт сирин көстүүтүн үйэ саас уларытыаҕа, тупсарыаҕа. Муоста тутуута сомоҕолоһуу символа буолуоҕа.
Өлүөнэ устата — 4 400 км, аан дойдуга уон бөдөҥ өрүскэ киирсэр, Арассыыйаҕа устатынан үһүс миэстэни ылар. Норуот ытыктаан, таптаан улуу өрүһү Өлүөнэ эбэ диэн ааттыыр.
Хас биирдиибитигэр Өлүөнэ эбэ — дойдубут уобараһа, тыыннаах айылҕабыт буолар. Кини биэрэктэрэ үһүйээннэринэн, номохторунан толору, төһөлөөх элбэх ырыа ылламмыта, хоһоон айыллыбыта буолуой? Бу биһиги киэн туттуубут.
Бу ураты бырааһынньык күн барыгытыгар чэгиэн доруобуйаны баҕарабын. Инникитин даҕаны өрөспүүбүлүкэбит сайда, чэчирии турдун. Өлүөнэ өрүс санааны кынаттыыр, бөҕө тирэх буолан саха норуотун сомоҕолуу турдун!
Өлүөнэ өрүс күнүнэн!
СӨ Ил Дархана Айсен Николаев
Сиһилии: https://www.sakha.gov.ru/news/7577
Байыаннай дьайыы кыттыылааҕа Игорь Марсунов от ыйын 10-14 күннэригэр Южно-Сахалинскай куоракка УИФУо бэтэрээннэрин ортотугар ыытыллар…
Бүгүн Нерюнгри куорат аэропордугар Гавриил Иосифович Чиряев аатын иҥэриигэ туһуламмыт үөрүүлээх тэрээһин буолла. Санатан эттэххэ,…
Култуура, духуобунай сайдыы миниистирэ Афанасий Ноев Олоҥхо ыһыаҕар бэлэмнэнии туһунан санаатын үллэһиннэ: - От ыйын…
Биһиги эрэллээх ааҕааччыбыт, уопсастыбаннай кэрэспэдьиэммит, суруйааччы Иннокентий Попов-Оҕуруоттаах үгүс сылларга бэлиэтии көрөр түгэннэринэн, күн-дьыл туругун…
«Дальний Восток – Земля приключений» куонкурус дьүүллүүр сүбэтэ Уһук Илин уокуругар уонна Арктическай зона эрэгийиэннэригэр…
Таатта улууһун дьокутаата, бааһынай хаһаайыстыба салайааччыта, хапсаҕайга “Сахаада-спорт” маастара уонна бэтэрээнэ Сергей Степанович Михайлов XXII Манчаары…