sakha.gov.ru
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ!
Эһиги үрдүк таһымнаах үлэҕит, эппиэтинэскит, бэриниилээх үлэҕит үтүөтүнэн биһиги өрөспүүбүлүкэбит эрэллээхтик инники хардыылыыр.
Энэргэтиичэскэй комплекс дойдубут, өрөспүүбүлүкэбит социальнай-экэнэмиичэскэй сайдыытыгар улахан суолталаах. Кини тохтоло суох үлэлиириттэн дьон олоҕун усулуобуйата, социальнай инфраструктура, бырамыысыланнас үлэтэ, стратегическай суолталаах инвестиционнай көҕүлээһиннэр үлэлэрэ тутулуктаах.
Бу аҕыйах хонуктааҕыта дойду бэрэсидьиэнэ Владимир Путин быһа эпииригэр энэргиэтикэ хоту сир олохтоохторугар суолталааҕын уонна манна сүрүн болҕомто ууруллуохтааҕын бэлиэтээбитэ. Энэргиэтикэҕэ судаарыстыбаннай сэбиэт хамыыһыйатын салайааччытын быһыытынан, мин федеральнай былаас өйөбүлэ олус улахан суолталааҕын өйдүүбүн.
Саха сирин энэргэтиичэскэй систиэмэтэ Уһук Илиҥҥэ саамай уустук ситимнэртэн биирдэстэрэ буолар. Кини бөдөҥ эбийиэктэри ситимниир: Бүлүү ГЭС-э, Дьокуускайдааҕы ГРЭС уонна ТЭЦ, сүүһүнэн дизельнай ыстаансыйалар , хастыы да тыһыынча километрдаах уот ситимэ.
Бүгүҥҥү күҥҥэ бөдөҥ инфраструктурнай бырайыактар олоххо киирэллэр. Новоленскай уонна Саха сирин Соҕуруулуу эҥээрин итиини хааччыйар электроыстаансыйалара тутуллаллар. Ааспыт алтынньы ыйга Уһук Илин уокурукка бэрэсидьиэн боломуочуйалаах Юрий Трутнев Канкуннааҕы гидроэлектростанцияны тутууну өйөөбүтэ.
Эһиэхэ ис сүрэхпиттэн махтанабын, кытаанах доруобуйаны, ситиһиини баҕарабын! Эһиги дьоҥҥо тиэрдэр сырдыккыт уонна сылааскыт олоххутун сырдаттын!
Саха Өрөспүүбүлүкэтин баһылыга Айсен Николаев «Саха сирэ – Дьоруойдар дойдулара» каадыр бырагыраамата салҕанан барыаҕын туһунан…
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…