Андрей Сорокин хаартыската, СИА.
Ил Дархан Айсен Николаев Дьокуускайга буола турар «Создано на Дальнем Востоке» норуоттар икки ардыларынааҕы пуорумҥа эрэгийиэн Уһук Илиҥҥэ креативнай индустрия сайдыытыгар инники күөҥҥэ сылдьарын хааччыйар сүрүн хайысхалары иһитиннэрдэ.
Биир сүрүн хайысханан — төрөөбүт сиргэ таптал:
«Саха сиригэр дьон кэлэн баран, барыахтарын баҕарбат сирдэринэн буолуон олус баҕарабыт. Тыһыынчанан сыллар устата үгүс норуоттар оҥорбут уонна сайыннарбыт, үгэстэртэн уонна култуураттан тирэҕирбит төрөөбүт дойдуга таптал аныгы технологиялары туһанан олус кэрэтик дьүөрэлэһэр», — диэтэ Ил Дархан.
Ил Дархан биир интэриэһинэй чахчыны үллэһиннэ: аан дойду үрдүнэн куораттар сайдыыларын, чинчийиилэр көрдөрбүттэринэн, айар куттаах 1% дьон хамсатар эбит:
— Куорат баһылыга бу 1% дьону тус билиэхтээх. Өскөтүн кини олору билэр уонна куораты салайыыга туһанар буоллаҕына, сайдыыны күүтүөххэ сөп.
Манна салайааччы эмиэ суолталааҕын бэлиэтиир наада. Айсен Николаев хара маҥнайгыттан экэниэмикэ креативнай секторын сайыннарарга сыал-сорук туруоруммута. Маннык хабааннаах быһаарыныылартан сиэттэрэн, кини 2024 сыл муус устар 27 күнүгэр Саха сирин креативнай экэниэмикэтин 2030 сылга диэри сайыннарар туһунан Ыйаахха илии баттаабыта. Ыйаахха тоҕус сүрүн хайысха суруллубута — анимацияттан саҕалаан ювелирнай киэргэллэргэ тиийэ.
Хас биирдии хайысхаҕа көрдөрүүлэр эмиэ ыйыллыбыттара. Холобура, саха киинэлэрэ сыллата 2,5 млрд.солк. киллэриэхтээхтэр, оттон аниматордар 2,5 тыһ. мүнүүтэлээх контены оҥоруохтаахтар.
Сиһилии: https://созданонадв.рф/
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…