Ил Дархан Айсен Николаев Хаҥаласка байыас дьиэтигэр сырытта

Ил Дархан Айсен Николаев Хаҥалас улууһугар үлэтинэн тиийэ сылдьан, Үөдэйгэ байыас дьиэтигэр ыалдьыттаата.

Көрсүһүүгэ байыаннай сулууспалаах Рамазан Тупеев билигин уоппускатыгар кэлэ сылдьарын, Запорожьеҕа сулууспалаабытын кэпсээбит. Кини байыаннай дьайыы территориятыгар Саха сириттэн сылдьар байыастар бэйэ-бэйэлэригэр өйөбүл буолалларын, волонтердар, Саха сириттэн олохтоох салалталар көмөлөһөллөрүн эппит.

Ил Дархан Айсен Николаев истиҥ көрсүһүү иһин махтаммыт уонна байыас дьиэ кэргэнигэр наадалаах көмө барыта оҥоһуллуоҕун бэлиэтээбит.

-Байыас сулууспа, байыаннай сулууспалаахтар тустарынан кэпсээтэ. Кинилэр бу кэм устатыгар төрөөбүт Сахаларын сирин өйөбүлүн билэ-көрө олорбуттарын эттэ. Биһиги байыастарбыт төрөөбүт дойдулара, өрөспүүбүлүкэлэрэ көмөнү, өйөбүлү оҥороругар махтаналлар, киэн тутталлар. Оттон биир дойдулаахтара кини дьиэ кэргэнин туора хаалларбакка, туох кыалларынан көмөлөһө олорбуттар. Маладьыастар!, — диэн Ил Дархан ТГ-ханаалга көрсүһүү түмүгүнэн санаатын суруйбут.

Бу туһунан https://www.sakha.gov.ru/news/front/view/id/3385366  көрүөххэ сөп.

СӨ Ил Дарханын уонна Бырабыыталыстыбатын пресс-сулууспата

Хаартыскаҕа Андрей Сорокин түһэриитэ, СИА