Хаартыска sakha.gov.ru ылылынна
Пуорум ытыктабыллаах кыттааччылара, тэрийээччилэр уонна ыалдьыттар!
Саха Өрөспүүбүлүкэтин салалтатын уонна тус бэйэм ааппыттан бигэ туруктаах сайдыыга туһуламмыт Хотугу пуорум үлэтэ Дьокуускайга саҕаламмытынан эҕэрдэлиибин!
Бу сыллар усталарыгар биһиги ыалдьытымсах сирбитигэр-дойдубутугар ыытыллыбыт пуорум хотугу уонна Арктика сирдэрин-уоттарын бигэ туруктаахтык сайыннарыыга бастыҥ быраактыкалары уонна ураты сүүрээннэри, идиэйэлэри атастаһыыга дьоһун уонна үрдүктүк сыаналаммыт дьүүллэһии былаһааккатынан буолла.
Быйыл балаҕан ыйын 24-27 күннэригэр, пуорум түһүлгэтигэр учуонайдар, эспиэртэр, үрдүкү салалта, биисинэс уонна уопсастыбаннай тэрилтэлэр бэрэстэбиитэллэрэ Арассыыйаттан, Кытайтан, Индияттан, Белорусияттан, Монголияттан, ОАЭ, Узбекистантан, Кенияттан түмсэллэр. Кинилэр эрэгийиэннэр уонна Арктика куораттарын олохторун-дьаһахтарын, Хотугу сир бигэ туруктаах сайдыытыгар бииргэ үлэлээһин туһунан боппуруостары көрөллөр. Туспа тиэмэнэн Арктика креативнай индустриятын уонна култууратын туһунан кэпсэтии буолуоҕа.
Пуорум иитинэн II научнай-практическай кэмпириэнсийэ ыытыллыаҕа, онно научнай тэрилтэлэртэн чинчийээччилэр тирээн турар суолталаах кыһалҕаларга, килиимэт уларыйыытын, ирбэт тоҥ ириитин боппуруостарын дьүүллэһиэхтэрэ. Ону сэргэ криолитозона уонна куттал суох буолуутун боппуруостарыгар бииргэ үлэлээһини көрүөхтэрэ.
Пуорум ыытыллар кэмигэр РНА Сибиирдээҕи отделениетын ирбэт тоҥу үөрэтэр институтун баазатыгар Киин Азия тымныы эрэгийиэннэрин үөрэтэр Кытай-Арассыыйа-Монголия норуоттар икки ардыларынааҕы киинин офиһа аһыллыаҕа.
Пуорум ыччаты эмиэ түмэрэ кэрэхсэбиллээх. Маныаха далааһыннаах тэрээһин эдэр дьону хотугу эрэгийиэннэр кэскиллээх боппуруостарыгар, инники чинчийиилэргэ, бырайыактарга көҕүлүүрэ саарбахтаммат.
Уопсайынан, пуорум 60 экспертнэй былаһааккатыгар ыытыллар дьыалабыай бырагыраама дьон олоҕун хаачыстыбатын уонна таһымын үрдэтэргэ, килиимэт уларыйыытыттан кутталы намтататрга туһалаах рекомендациялары тобуларга, оҥорорго көмөлөһүөҕэ.
Хотугу пуорум үрдүк таһымҥа ыытыллыа уонна биһиги улуу дойдубут — Арассыыйа модун кыаҕын бөҕөргөтүүгэ көҕүлүүр күүһүнэн буолуоҕа диэн эрэнэбин.
Таһаарыылаах үлэни, интэриэһинэй кэпсэтиини, айымньылаах буолууну уонна саҥа сонун түмүктэри баҕарабын!
СӨ Ил Дархана Айсен Николаев
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…