СӨ Бырабыыталыстыбатын пресс-сулууспатын хаартыскаҕа түһэриитэ
Ил Дархан Айсен Николаев Казахстаан премьер-миниистирэ Олжас Бектеновы кытта көрүстэ уонна атыы-эргиэн, экэниэмикэ хайысхатыгар бииргэ үлэлэһии боппуруостарын кэпсэттилэр. Бу көрсүһүү Казахстааҥҥа Саха сирин күннэрин чэрчитинэн буолла.
Олжас Бектенов бэлиэтииринэн, Саха сирэ Казахстаан уонна Арассыыйа икки ардыларынааҕы атыы-эргиэн сыһыаннаһыытын сайдыытыгар бэйэтин кылаатын киллэрэр.
Ил Дархан бэлиэтииринэн, Казахстаҥҥа Саха сирин күннэрин тэрийии уһун кэмнээх, икки өттүттэн барыстаах сыһыаны хас да хайысханан олохтуурга көмөлөөх.
«Бүгүн биһиги дойдуларбыт икки ардыларынааҕы сыһыан биһиги лидердэрбит өҥөлөрүнэн стратегиескай, бииргэ үлэлэһэр майгыны-сигилини туталлар. Биһиги бу дьыалаҕа кыра да буоллар бэйэбит кылааппытын киллэрэрбититтэн үөрэбит. Ааспыт сылга Саха сирэ Казахстааны кытта табаары эргиниитэ икки төгүл үрдээбитэ. Саха сирэ бу сыһыаннаһыы бөҕөргүүрүгэр элбэҕи оҥорор кыахтааҕар эрэнэбин», — диэтэ Айсен Николаев.
Икки өрүт атыы-эргиэн киэҥник сайдыытыгар уонна бырамыысыланнас, тыа хаһаайыстыбата, ИТ сайдарыгар болҕомтолорун уурдулар.
Маны таһынан көрсүһүүгэ креативнай индустрия, цифровизация, саҥа технологиялар сайдыыларыгар уопут атастаһыытыгар, ону сэргэ үөрэх, наука эйгэтигэр уопут атастаһыытын боппуруостарыгар тохтоотулар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…