Хаартыска: Андрей Сорокин, СИА
Бүгүн, балаҕан ыйын 4 күнүгэр, Ил Дархан Айсен Николаев Мииринэй оройуонугар оробуочай сырыытын кэмигэр Мииринэй куорат маастар-былаанын олоххо киллэриитин туһунан мунньаҕы ыытта.
2022 сыллаахха атырдьах ыйыгар Айсен Николаев Мииринэй оройуонун 2030 сылга диэри сайдыытын туһунан ыйаахха илии баттаабыта. Докумуон чэрчитинэн АЛРОСА хампаанньа Мииринэй куорат маастар-былаанын бэлэмнээбитэ.
Билигин бу ыйааҕынан Мииринэйгэ уонна Удачнайга аэропортар тутуллаллар, дьиэлэргэ гаас тардыллар, итиэннэ 1-кы №-дээх оскуола иккис куорпуһа, политиэхиньиичэскэй лиссиэй успуорт саалата, Оҕо дыбарыаһа уонна Удачнайга саҥа стадион тутуллаллар. Ону таһынан, Мииринэй куорат сайдыытын былаанынан уулуссалар, суоллар, тиэргэннэр тупсарыллаллар.
Мунньахха Ил Дархан Мииринэй куорат маастар-былаанын олоххо киллэриитэ өрөспүүбүлүкэ биир сүрүн бырайыага буоларын эттэ: «Куоракка бырамыысыланнас исписэлиистэрэ эрэ буолбакка, атын эйгэ үлэһиттэрэ, ол иһигэр сиэрбис, дьоҕус биисинэс хайысхаҕа эмиэ олохсуйуохтаахтар. Мииринэй социальнай инфраструктурата сайдан, дьон олоҕо тупсуохтаах. Бу маастар-былаан манна эппиэттиир».
Сиһилии маастар-былаан туһунан сыылканан ааҕыҥ.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…