Хаартыска sakha.gov.ru ылылынна
Бүгүн, балаҕан ыйын 30 күнүгэр, Ил Дархан Айсен Николаев Минскэйгэ Кыайыы монуменыгар сибэкки дьөрбөтүн уурда.
Кини манна Аҕа дойду уоттаах сэриитигэр немецкэй-фашистскай талабырдьыттартан эйэлээх олох туһугар сырдык тыыннарын толук уурбут байыастар сырдык ааттарыгар сүгүрүйдэ.
Аҕа дойду уоттаах сэриитин сылларыгар Белоруссияны босхолооһуҥҥа Саха сириттэн 3,5 тыһыынчаттан тахса киһи кыттыбыта, 500-кэ буойун сэрии толоонугар дьоруойдуу охтубута.
«Беларусь Өрөспүүбүлүкэтигэр биһиги байыастарбыт өлбөт-сүппэт хорсун быһыыларын, историяны харыстаан, кэриэстээн умнубакка илдьэ сылдьаллар. Кинилэр хорсун-хоодуот уолаттара биһиги хос эһэлэрбитин уонна эһэлэрбитин кытары дойдубутугар эйэлээх олох туругурарын туһугар фашизмы утары кыргыспыттара. Биһиги ытык иэспит — Аҕа дойдуну көмүскээччилэрбит тустарынан умнубакка, кинилэр сырдык ааттарыгар сүгүрүйүү», — диэн бэлиэтээтэ Айсен Николаев.
Аҕа дойду уоттаах сэриитигэр Белоруссияны босхолооһуҥҥа саха байыаһа Федор Попов ураты хорсун быһыыны оҥорбута. 1943 сыл алтынньы 1 күнүгэр красноармеец Лоевскай оройуон Глушец дэриэбинэтин таһыгар Днепр өрүһү туорааһыҥҥа бастакылар ахсааннарыгар баара. Кини хорсун быһыытынан полк атын подразделениелара өрүһү туораабыттара.
Федор Кузьмич Сэбиэскэй Сойуус Дьоруойун аатын ылбыта. Кини көмүс уҥуоҕа Гомель уобалаһыгар көтөҕүллүбүтэ.
Дойду Бэрэсидьиэнэ Владимир Путин оччолордооҕу кытаанах байыаннай кэмтэн доҕордуу сыһыан бигэтик олохсуйбутун бэлиэтээн турар. Судаарыстыба баһылыга этэринэн, доҕордуу сыһыан бииргэ үлэлээһини сайыннарыыга уонна дойдулар икки ардыларыгар бииргэ үлэлээһиҥҥэ бигэ тирэх буолар.
СӨ Ил Дарханын уонна Бырабыыталыстыбатын пресс-сулууспата
Хотугулуу-Илиҥҥи федеральнай үнүбэрситиэт устудьуоннара «AYAL | Страшные истории» биллиилээх канал ааптардарыттан «Сэрэтии» мистическэй триллер кылгас…
Саха сиринээҕи ИДьМ сулууспатын 3 №-дээх полициятын дьуһуурунай чааһыгар киин куоракка Дзержинскай аатынан уулуссаҕа турар…
Алдан оройуонуттан өрөспүүбүлүкэтээҕи патриотическай эстэпиэтэ чэрчитинэн «Кыайыы Знамята» Нерюнгри куоракка тиийдэ. Бу туһунан Нерюнгри оройуонун…
Бүгүн, тохсунньу 18 күнүгэр, өрөспүүбүлүкэтээҕи медиа-кииҥҥэ «Легенда Арктики открывает новые горизонты Якутии и Магаданской области»…
Дьарыктаах буолууларын тэрийиигэ уонна айар дьоҕурдарын сайыннарыыга УФСИН хаайыылаахтарга сыл ахсын хаар уонна муус оҥоһуктарга…
Тохсунньу 16 күнүгэр «Пятница!» ханаалга «Большие девочки» реалити-шоу иккис сезона саҕаланна. Бырайыак кыттыылаахтарынан Арассыыйа араас…