Хаартыска: sakha.gov.ru ылылынна
Нерюнгри оройуонугар Айсен Николаев Олоҥхо ыһыаҕар бэлэмнэниигэ анаан көһө сылдьар мунньаҕы тэрийэн ыытта.
Өрөспүүбүлүкэ таһымнаах национальнай бырааһынньык Нерюнгри куоракка куоракка аан бастаан ыытыллыаҕа. Саха сирин баһылыга мунньах түмүгүнэн бэлэмнэнии үлэлэрин таһыма үрдүгүн бэлиэтээтэ уонна былааннаммыт дьаһаллары олоххо киллэриигэ сыһыаннаах кэккэ сорудахтары биэрдэ.
«Олоҥхо ыһыаҕын бэлэмнээһин кэнники сылларга тэрийэр кэмитиэт былааннаах үлэтин көмөтүнэн үрдүк таһымҥа ыытыллар. Бүддьүөттэн үп кэмигэр бэриллэн, эбийиэктэр кыраапыгынан, култуурунай бырагырааманан тутуллаллар. оҥоһуллуохтаах үлэ өссө да элбэх. Мин туһаайан этиэм этэ, олохтоохтору бу үлэҕэ, тэрээһиҥҥэ кытыннарыахха наада. Бу ыһыах дьоҥҥо-сэргэҕэ анаан оҥоһуллар. Онон бэлэмнэнии үлэтигэр бары көхтөөхтүк кыттыахтаахтар», — диэн Айсен Николаев бэлиэтээтэ.
Олоҥхо ыһыаҕа ыытыллар сүрүн былаһаакката «Амикан» паарка буолар. Ыһыах бүппүтүн да кэннэ, паарка дьон астына сынньанар сиринэн буолуохтааҕын бэлиэтээтэ. Нерюнгри оройуонун баһылыга Роман Щегельняк бэлиэтииринэн, үлэ хаамыыта былаан быһыытынан баран иһэр. Саҥа пааркаҕа 16 cаҥа эбийиэк тутуллуохтаах. Ааспыт сыл алтынньытыгар смета-бырайыак үлэтин докумуона эспэртиисэни ааспыт.
Быйыл Олоҥхо ыһыаҕа Нерюнгри оройуонугар от ыйын 4-5 күннэригэр ыытыллыаҕа. Бу ыһыах Нерюнгри куорат төрүттэммитэ 50 сыллаах үбүлүөйүгэр ананыаҕа.
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…