Хаартыска: sakha.gov.ru ылылынна
Күндү Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан барыгытын Норуот маастарын күнүнэн эҕэрдэлиибин!
Бу ураты бырааһынньык духуобунай баайбытын, Олоҥхо сирин матырыйаалынай култууратын эттэригэр-хааннарыгар иҥэриммит ытык дьоммутугар – тимир уустарыгар, көмүс уустарыгар, муосчуттарга, маһынан уһанааччыларга, уран тарбахтаах иистэнньэҥнэрбитигэр, норуот илиинэн оҥоһуктарын искусствотын уонна үгэс буолбут уус-уран оҥоһуктары кытта олохторун ситимнээбит бары дьоммутугар ананар.
Бүгүн Саха сиригэр “Саха Өрөспүүбүлүкэтин норуотун маастара” үрдүк ааты 275 киһи, “Саха Өрөспүүбүлүкэтин норуот уус-уран оҥоһуктарын маастара” ааты 606 киһи сүгэр. Биһиги хотугу кыраайбыт араас муннугар кинилэри утумнааччылар ахсааннара сылтан сыл элбээн иһэр. Уопуттаах маастардар бэйэлэрин сатабылларыгар оҕолору, эдэр ыччаты сэргэ улахан дьону эмиэ уһуйаллар.
Норуот маастардара айар-тутар уус-уран дьоҕурдарын, олоххо-дьаһахха, дьиэ кэргэҥҥэ үгэс буолбут үөрүйэхтэрин, Ийэ дойдуга бэриниилээх буолуу сиэрин көлүөнэттэн көлүөнэҕэ тиэрдэн иһэллэрэ кэрэхсэбиллээх. Онуоха маастардар холбоһуктара улахан сабыдыаллаах, өрөспүүбүлүкэҕэ бүгүн 112 итинник холбоһук баар. Илиинэн оҥоһуктар дьиэлэрэ, норуот уус-уран оҥоһуктарын кииннэрэ ханна барытыгар арыллаллар.
Үгэс быһыытынан сандал саас бастакы күннэригэр киэҥ далааһыннаах тэрээһиннэр: “Саха сирин уран уустара” быыстапка-дьаарбаҥка, эталон оҥоһуктар быыстапкалара, форум, биир идэлээхтэр куонкурустара, үөрүүлээх быһыыга-майгыга национальнай таҥастаах сэлэлээн хаамыы ыытыллаллар. Быйыл бу тэрээһиннэр “Симэх” Норуот искусствотын галереята тэриллибитэ 30 сылыгар, Россияҕа Педагог уонна уһуйааччы сылыгар, Саха сиригэр Үлэ сылыгар ананаллар.
“Симэх” галереяттан национальнай кииҥҥэ тиийэ суолу тэлэн кэллэ. Бүгүн бу киин пуондатыгар норуот уус-уран оҥоһуктарын араас көрүҥнэрин эталона буолар 300-тэн тахса оҥоһук хомулунна.
Россия норуоттарын култуураларын үйэлээх баайын сылыгар Саха Өрөспүүбүлүкэтин Ил Дарханын ыйын ахсын бэриллэр стипендиятын төрүт култуурабытын үйэтитээччилэргэ, ол иһигэр тимир уустарыгар, аан бастаан туттарбыппыт. Стипендия сылын ахсын ананыаҕа. Мантан салгыы өрөспүүбүлүкэбитигэр норуот уус-уран оҥоһуктарын чөл хаалларыы, сөргүтүү уонна сайыннарыы судаарыстыба тумус соруктарыттан биирдэстэринэн буолуоҕа.
Бу кэрэ-бэлиэ күн талба талааннаах маастардарбытыгар, энтузиастарга, кинилэр идеяларын, бырайыактарын олоххо киллэрэргэ көмөлөһөр дьоҥҥо – бука барыгытыгар дириҥ билиниибин уонна ытыктабылбын тиэрдэбин. Айар алып умсулҕана угуйа турдун, айымньылаах үлэҕит таһаарыылаах буоллун! Ситиһиилэри, дьолу-соргуну, уйгулаах олоҕу баҕарабын!
Саха Өрөспүүбүлүкэтин Ил Дархана Айсен Николаев
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…