Хаартыска СӨ Баһылыгын пресс-сулууспатыттан
Ытыктабыллаах Саха сирин олохтоохторо!
Саха Өрөспүүбүлүкэтин салалтатын аатыттан уонна тус бэйэм ааппыттан Оһуохай күнүнэн истиҥник эҕэрдэлиибин!
2024 сыл ыам ыйын 25 күнүгэр Саха сиригэр аан бастаан Оһуохай күнүн бэлиэтиэхтэрэ. Үгэс буолбут үрүҥ күнү батыһа биир тэҥник хамсанан үҥкүүлэнэр оһуохай өрөспүүбүлүкэ үрдүнэн тыһыынчанан киһини түмүөҕэ. Оһуохай күнэ биһиги элбэх омуктаах Сахабыт сирин норуотун сомоҕолуур биһиги ураты үгэстээх култуурабытын өйүүргэ уонна харыстыырга көмөлөһүө диэн эрэнэбин.
Саха сирэ – бу күүстээх санаалаах, туруу үлэһит уонна хорсун дьоруойдар сирдэрэ. Биһиги бэйэбит үгэспитинэн күүстээхпит, атахпытыгар бигэтик турабыт уонна инникибитигэр дьулуһуулаахпыт.
Бэрэсидьиэн Владимир Владимирович Путин бэлиэтээбитинэн, дойду тыһыынчанан сыллаах историятын уопута култуура араас көрүҥэ сүҥкэн дьыала буоларын, оттон култууралар бииргэ дьайсыылара – сайдыы биир суолунан буоларын итэҕэтиилээхтик туоһулуур.
2022 с. сэтинньитигэр оһуохай Арассыыйа норуоттарын култууратын нэһилиэстибэтин шедеврдэрин испииһэгэр киллэриллибитэ.
Оһуохай олоҕу сөргүтүүнү, сырдык саҕахтары үөскэтиини бэлиэтиир. Итиэннэ быйылгы бырааһынньык биир сүрүн событиета өрөспүүбүлүкэ бары муннуктарыгар оскуоланы бүтэрээччилэр оһуохайдарынан буолара мээнэҕэ буолбатах. Үрүҥ күнү батыһа биир тэҥник хамсанан үҥкүүлэнэр оһуохай оҕолорго эксээмэн кэмигэр бэйэлэрин кыахтарыгар эрэниини, күүһү-уоҕу биэрдин.
Биһиэхэ оһуохайы тэнитэргэ улахан үлэ барар. Ол курдук 2022 с. бастыҥ оһуохайы этэччилэргэ Ил Дархан анал истипиэндьийэтэ олохтоммута. Цифровой пуонданы уонна научнай-популярнай энциклопедияны оҥоруу бастыҥ оһуохайы толоруулары хаалларыа. Айар мастарыскыайга оһуохайы этээччилэр бэйэлэрин уопуттарын үллэстиэхтэрэ. Оҕолор уонна ыччаттар ортолоругар ыытыллар бэстибээллэр, куонкурустар сыл аайы ыытыллыахтара.
Биһиги үгэстэрбит үгүс кыһалҕаны туоруурбутугар күүһү биэрэллэр.
Бүгүн Саха сирин олохтоохторо сүрэхтэрин баҕатынан халаан уутуттан эмсэҕэлээбиттэригэр көмөлөһөллөр. Аҕа дойдуну көмүскээччилэрбит инники кирбиигэ дьоруойдуу хорсуннук кыргыһаллар, биһиги дойдубут интэриэһин көмүскүүллэр. Байыастарбытыгар дьону сомоҕолуур былыргы үҥкүүбүт буойун санаатын көтөҕөр.
Эрэнэбин, биһиги Кыайыы иһин оһуохайы бары бииргэ үҥкүүлүөхпүт!
Күндү доҕоттор! Барыгытыгар эйэни, кытаанах доруобуйаны уонна бараммат күүһү-уоҕу, уйгуну уонна дьолу баҕарабын!
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…