Хаартыска: sakha.gov.ru ылылынна
Саха сирин ытыктабыллаах олохтоохторо!
Саха Өрөспүүбүлүкэтин салалтатын уонна тус бэйэм ааппыттан Ороһуоспанан эҕэрдэлиибин!
Бу ураты күннэр амарах сүрэхтээх, аһыныгас, чугас киһиэхэ истиҥ сыһыаннаах буолууну ордук чугаһаталлар. Ороһуоспа биир сомоҕо буоларга, хардарыта көмөлөсүһэргэ, өйөбүлгэ, кыһамньыга наадыйар дьоҥҥо болҕомтолоох буоларга сирдиир, үөрэтэр.
Саха сиригэр Православие киириитэ дириҥ историческай силистээх уонна биһиги уопсастыбабыт духуобунай олоҕун быстыспат сорҕотунан буолар. Уопсастыбаҕа суолталаах, өйөбүлгэ наадыйааччыларга тирэх буолар, ыччаты духуобунай сайдыыга көҕүлүүр уонна үтүө үгэстэри харыстааһыҥҥа көмөлөһөр.
Биһиги улаханнык махтанабыт уонна киэн туттабыт биир дойдулаахтарбытынан — Аҕа дойдуларын интэриэһин көмүскүүр эр санаалаах хоодуот байыастарбытынан. Эһиги этэҥҥэ буоларгыт туһугар көрдөһөбүт уонна кыайыы көтөллөөх дьиэҕитигэр эргиллэн кэлэргитин күүтэбит. Эһиги дьиэ кэргэттэргит биһиги ахсаабат кыһамньыбытыгар эрэллээх буолалларыгар баҕарабыт.
Бу судургута суох кэмҥэ сомоҕолоһуубут, бэйэ-бэйэни өйөһүүбүт, уустук быһыыга-майгыга түбэспит дьоҥҥо өйөбүл буоларбыт ордук суолталаах. Маннык сулууспалааһын холобурун биһиэхэ Саха сирин олохтоохторун, байыастарбытын өйүүр, кинилэр дьиэ кэргэттэригэр тирэх буолар, гуманитарнай көмөнү тэрийэр Саха сирин епархиятын үлэһиттэрэ көрдөрөллөр.
Күндү доҕоттор! Барыгытыгар ис сүрэхпиттэн кытаанах доруобуйаны, бары үтүө саҕалааһыҥҥытыгар ситиһиини баҕарабын! Хас биирдии дьиэҕэ үөрүүнү-көтүүнү, или-эйэни баҕарабын.
Саха Өрөспүүбүлүкэтин Ил Дархана А.С.Николаев.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…