Хаартыска: Ил Дархан уонна Бырабыыталыстыба пресс-сулууспата
Арассыыйа Бэрэсидьиэнэ Владимир Путин пресс-кэмпириэнсийэтин кэнниттэн СӨ Ил Дархана Айсен Николаев санаатын үллэһиннэ.
“Өрүү буоларын курдук, РФ бэрэсидьиэнэ дойду олохтоохторун уонна суруналыыстары кытта аһаҕастык кэпсэттэ. Владимир Путин байыаннай эпэрээссийэ, экэниэмикэ сайдыыта, элбэх оҕолоох ыалларга социальнай өйөбүл миэрэлэригэр сыһыаннаах киэҥ ис хоһоонноох араас боппуруостары таарыйда. Хас биирдии киһини, хас биирдии дьиэ кэргэни, хас биирдии эрэгийиэни өйөөһүн – дойдубут күүһүн төрдө”, — диэн бэлиэтээтэ Ил Дархан Айсен Николаев.
Арассыыйа Бэрэсидьиэнэ Владимир Путин быһа эпиирэ түөт чаастан ордук барда. Бу кэм устата судаарыстыба баһылыга экэниэмикэ, социальнай бэлиитикэ, байыаннай эпэрээссийэ хаамыытын, аан дойдутааҕы боппуруостары ырытта. Сорох боппуруостар Арктика зонатыгар уонна Уһук Илин сайдыытыгар сыһыаннаахтар. Ону судаарыстыба баһылыга “ХХI үйэҕэ абсолютнай приоритет” диэн ааттаабыта. Макрорегион аан дойдутааҕы экэниэмикэҕэ Арассыыйа флагманынан буолла. Быһа эпиир кэмигэр РФ Бэрисидьиэнэ Владимир Путин саҥа территориялары чөлүгэр түһэриигэ өйөбүллэрин иһин дойду олохтоохторугар махтанна. Демографическай бэлиитикэҕэ эмиэ ураты болҕомтотун уурда. Уһук Илин уокурукка Саха сиригэр нэһилиэнньэ ахсаана оҕо төрөөһүнүнэн эбиллэ турар. Өрөспүүбүлүкэ оҕо төрөөһүнүгэр уонна олоҕу уһатыыга үчүгэй көрдөрүүлэрин судаарыстыба баһылыга хаста да бэлиэтээбитэ. Ахсынньы 19 күнүгэр Ил Түмэҥҥэ Анал этиитигэр Ил Дархан Айсен Николаев демография хайысхатын бөҕөргөтөргө анаммыт элбэх оҕолоох ыаллары өйүүр саҥа дьаһаллары ыйда. Тохсунньу 1 күнүттэн “Дьиэ кэргэн” өрөспүүбүлүкэтээҕи ийэ хапытаала үһүс эрэ оҕо төрөөтөҕүнэ буолбакка, кэнники оҕолор бары – төрдүс, бэһис, онтон да атын оҕо төрөөтөхтөрүнэ көрүллэр буолуоҕа.
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…