Хаартыска: Якутия24
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын үллэһиннэ. Кини этэринэн, Саха сирин суруналыыстарын ыйытыылара уонна судаарыстыба баһылыгын хоруйдара эрэгийиэҥҥэ улахан суолталаахтар диэн Якутия24 саайт суруйар.
«Бэрэсидьиэн бэйэтин чопчу хоруйдарынан аан дойдуга, Арассыыйаҕа туох буола турарын, туохха сайдыы, ситиһии баарын билэ олорорун биллэрдэ. Кини биһиги кыһалҕаларбытын эмиэ билэр», — диэн Айсен Николаев эттэ. Итиэннэ кини Арктиканы энергетиканан хааччыйыы туһунан ыйытыыны холобурдаата. Бэрэсидьиэн хоруйа Саха сирин салалтатыгар сүрүн соругунан буолбутун Ил Дархан иһитиннэрдэ.
Айсен Николаев Саха сирин суруналыыһа байыаннай дьайыы туһунан Владимир Путиҥҥа ыйытыытын эмиэ бэлиэтээтэ. «Биһиги байыастарбыт үрдүк таһымҥа бэлиэтэммиттэринэн киэн туттабыт. Бэрэсидьиэн байыастарбыт ситиһиилэрин билэр», — диэтэ.
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…