Ил Дархан Айсен Николаев РФ субъектарын салайааччыларын национальнай рейтинигэр ТОП-5 иһигэр киирдэ

Ил Дархан Айсен Николаев 2025 сыл тохсунньутугар-олунньутугар РФ субъектарын салайааччыларын национальнай рейтинигэр төрдүс миэстэҕэ сылдьар. Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

Бу чинчийиини «Рейтинг» информационнай коммуникациялар киинин исписэлиистэрэ эспиэртэр түмсүүлэрин бэрэстэбиитэллэрин анкеталарыгар уонна ыйытыктарыгар олоҕуран ыыттылар.

Бэлиэтээн сурулларынан, 2025 сыл саҕаланыыта Айсен Николаев туһатыгар экэнэмиичэскэй, бэлитиичэскэй уонна административнай фактордар дьайбыттар. Ол иһигэр эрэгийиэн былаастарын социальнай эйгэҕэ, тырааныспар инфраструктуратын сайдыытыгар, промышленнай эбийиэктэри үлэҕэ киллэриигэ, Ил Дархан федеральнай таһымнаах салайааччылары кытта кэпсэтиитигэр болҕомто ууруллуута баар.