Андрей Сорокин хаартыскаҕа түһэриитэ, СИА
Ил Дархан Айсен Николаев Саха сирин олохтоохторун Кириһиэнньэнэн эҕэрдэлээтэ.
Кини литургияҕа сырытта уонна Дьокуускайга Кириһиэнньэ сөтүөтүгэр кытынна. Дьокуускай уонна Ленскэй архиепископ Роман ууну сибэтии гынна.
«Сибэтиэй уу санаарҕабылы ыраастаатын, сүрэҕи — эрэлинэн, дууһаны — сырдыгынан толордун, киһиэхэ саҥа күүһү биэрдин. Эйэни, дьолу-соргуну. Сирбит бүтүннүүтэ бүгүҥҥү күнтэн саҥалыы тыыннанан өссө ордук үчүгэй, күүстээх буоларга уонна иннибит диэки дьулуурдаахтык барарга төһүү күүһүнэн, тирэҕинэн буоларыгар баҕарабын», — диэтэ Ил Дархан Айсен Николаев.
Ил Дархан Кириһиэнньэ күн сөтүөлээһин, бу көннөрү үгэс эрэ буолбакка, дириҥ ис хоһоонноох буоларын сэргэ, куттал суох буолуутун быраабылата күүскэ тутуһуллуохтааҕын тоһоҕолоон бэлиэтээтэ.
Кириһиэнньэ сөтүөтүгэр анаан өрөспүүбүлүкэҕэ уопсайа 18 муниципальнай оройуоҥҥа уонна Дьокуускайга 24 миэстэ оҥоһуллан бэлэмнэниллибит, 15 умсан ылар сир уонна 9 ойбон.
Кириһиэнньэ сөтүөтүгэр анаан куттал суох буолуутун хааччыйар постар туруоруллубуттар. Быыһааччылар анаан оҥоһуллубатах сирдэргэ ууга киирэр кутталлаах диэн сэрэтэллэр. Көҥүлэ суох сирдэргэ сөтүөлүүр кытаанахтык бобулларын, ону тэҥэ киһи бэйэтин кыаҕын-күүһүн, туругун эмиэ учуоттуохтааҕын санаталлар.
Бүгүн, Кириһиэнньэ күн, күн-дьыл сылыйан, сымнаан биэрбитэ бэлиэтэннэ. Маныаха «КП» суруналыыһа Ил Дархан Айсен Николаевка сибээскэ тахсыбыт.
Ил Дархан бэҕэһээ тымныы буоллаҕына, бүгүн -41 кыраадыс буолбутун, дьон-сэргэ сөтүөлүү мустубутун, манна бары миэрэ булгуччу тутуһулларын эппит.
Кириһиэнньэҕэ сөтүөлүүр буолбуттара манна сүүрбэ сыл буолла. Маныаха сыл ахсын тыһыынчанан киһи кыттара бэлиэтэнэр.
Сиһилии бу туһунан https://www.kp.ru/daily/27653.5/5038377/ ааҕыаххытын сөп.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…