Ил Дархан Айсен Николаев суһал ыстаап мунньаҕын ыытта

Ил Дархан Айсен Николаев от ыйын 9 күнүгэр өрөспүүбүлүкэ экэнэмиичэскэй сайдыытын хааччыйыыга суһал ыстаап мунньаҕын ыытта. 

Суһал ыстаап мунньаҕар судаарыстыбаннай хантараактар сүрүн усулуобуйаларыгар уларытыылары киллэрэр боппуруостар көрүлүннүлэр.

Айсен Николаев социальнай эбийиэктэри тутуу былаанын бэрээдэктииргэ болҕомтотун туһаайда. Доруобуйа харыстабылын уонна үөрэхтээһин эбийиэктэрин тутууну саҕалыах иннинэ, каадырынан хааччыллыы, тырааныспар логистикатын уонна да атын түгэннэри учуоттуохха наадатын бэлиэтээтэ.

Айсен Николаев судаарыстыбаннай хантараактары түһэрсэргэ бэдэрээтчиттэри хонтуруоллааһыны күүһүрдэр, билиҥҥи «рефинансирование» кээмэйин учуоттаан туран, бэдэрээтчиттэр кирэдьиит үбүгэр наадыйыыларын аҕыйатар мэхэньииһимнэри көрөр наадатын ыйда.

Санаттахха, кэнники 6 сыл иһигэр Саха сиригэр 329 социальнай эбийиэк, ол иһигэр национальнай бырайыактарынан, 134 эбийиэк тутуллубута.

Ил Дархан, бырабыыталыстыба пресс-сулууспата.