Ил Дархан Айсен Николаев Сунтаарга үлэлиир

Ил Дархан Айсен Николаев Сунтаар улууһугар үлэтинэн сылдьар. Манна «ТУРСУН-2025» ыччат өрөспүүбүлүкэтээҕи туристическай сүлүөтүн үөрүүлээх аһыллыытыгар сырытта. Бу туһунан кини телеграм-ханаалыгар суруйар.

«Сүлүөт аһыллыыта Арассыыйа былааҕын күнүгэр буолбут олус суолталаах. Манна Саха сирин көхтөөх, хорсун, патриоттуу санаалаах ыччата муһунна. Кинилэр үс күн устата араас көрүҥнэргэ күрэхтэһиэхтэрэ, хамаанданан үлэлиэхтэрэ, бэйэ-бэйэлэригэр көмөлөһөн уустуктары ааһыахтара. Саамай сүрүнэ — саҥа доҕоттордонуохтара», — диэн Айсен Николаев суруйар.

Сунтаар улууһун иһинэн ыытыллар сүлүөт, быйыл иккис төгүлүн өрөспүүбүлүкэ үрдүнэн ыытыллар буолла.