Хаартыска sakha.gov.ru ылылынна
Ытыктабыллаах бэтэрээннэр, суол үлэһиттэрэ!
Өрөспүүбүлүкэ салалтатын уонна тус бэйэм ааппыттан Арассыыйаҕа суол хаһаайыстыбатын үлэһиттэрин күнүнэн эҕэрдэлиибин!
Бүгүн суол-иис үлэһитэ — дойдубутугар биир саамай наадалаах уонна дьоһуннаах идэ быһыытынан сыаналанар.
Эһиги сыралаах үлэҕитинэн, кыһамньыгытынан ыраах сирдэргэ айан сыыдамсыйар, көлө сулууспалыыра уһуур, баһыылкалар уонна таһаҕастар кэмигэр тиэрдиллэллэр, олох-дьаһах хаачыстыбата тупсар. Бу ордук тыһыынчанан килэмиэтири айаннаан тиийэр сирдээх-уоттаах биһиги хотугу сирбитигэр-уоппутугар,суолталаах.
Кэнники биэс сылга эһиги, суол хаһаайыстыбатын үлэһиттэрин сыраҕытынан, биһиги эрэгийиэммитигэр 2 500 км тахса усталаах суол өрөмүөннэннэ, саҥардылынна. Итинтэн 837 км федеральнай суол, 1 173 км эрэгийиэн суола уонна 490 км олохтоох суол. Уопсайа 3,5 тыһыынчаттан тахса п.м. уһуннаах 49 муостаны, ол иһигэр Арктикаҕа, эрэгийиэн уонна муниципальнай айан суолларыгар туоруур муосталар тутуллубуттара.
Бу эрэгийиэҥҥэ күн-дьыл туругуттан тутулуктаах кылгас кэмҥэ ыытыллар тутуу үлэтигэр, эһиги куйааһы, тымныыны аахсыбакка сыралаһаргытынан, кыһамньылаах үлэҕитинэн ситиһилиннэ. Маныаха РФ Бэрэсидьиэнэ Владимир Путин көҕүлээбит «Куттала суох хаачыстыбалаах суол» национальнай бырайыагы олоххо киллэрии суотугар оҥоһулларын бэлиэтиирбит тоҕоостоох.
Билигин өрөспүүбүлүкэҕэ Бүлүүгэ «Бүлүү» федеральнай суол транзитнай учаастагын аспааллааһын үлэтэ түмүктэнэр.»Халыма» федеральнай суолугар «Заячья петля» уонна «Нерский прижим» кутталлаах суоллаах-иистээх учаастактарга үлэ ыытылла турар.
Күндү үлэһиттэр!
Кэлэр сылларга эһиги иннигитигэр улахан соруктар тураллар. РФ Бэрэсидьиэнэ Өлүөнэ эбэни туоруур муостаны тутарга, Алданы туоруур муоста тутуутун түргэтэтэргэ, «Халыма» федеральнай айан суолун туругун тупсарарга сорудахтыыр.
Өрөспүүбүлүкэбит уонна дойду бүттүүнүн сайдыытыгар туһуламмыт дьоһун суолталаах соруктары бары көмөлөөн быһаарыахпыт диэн эрэнэбин.
Бу бырааһынньык күн эһиэхэ истиҥ махталбын тиэрдэбин. Эйэни, дьолу-соргуну, кытаанах доруобуйаны, дьиэ кэргэҥҥитигэр этэҥҥэ буолууну уонна үлэҕитигэр ситиһиилэри баҕарабын!
Саха Өрөспүүбүлүкэтин Ил Дархана А.С.Николаев
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…