Хаартыска СӨ Баһылыгын пресс-сулууспатыттан
Ытыктабыллаах тутуу комплексын үлэһиттэрэ уонна бэтэрээннэрэ! Ис сүрэхпиттэн Тутааччы күнүнэн эҕэрдэлиибин!
Биһиги эрэгийиэммит уустук климаттаах уонна логистикалаах усулуобуйаларыгар тутааччы буолуу — бу үлэҕэ бэриниилээх буолуу, дьыалаҕа эппиэтинэстээхтик сыһыаннаһыы уонна эр санаалаах киһи буолуу. Саха сирин тутааччылара үрдүк идэтийиилэринэн, сыалларын ситиһэллэринэн, түргэннэринэн, саҥа технологияны сатыылларынан уратылаһаллар.
2023 сылга өрөспүүбүлүкэ тутааччылара олорор дьиэни тутууга рекорд олохтообуттара — 705,12 тыһ. кв.м. олорор дьиэ тутуллубута. Бу тэтим билигин да баар. 2024 сыл бастакы аҥаарыгар 368,5 тыһ.кв.м. тутулунна.
Саха сиригэр дьиэни тутуу киэҥ хабааннаахтык барар буолан, саахалланар туруктаах дьиэттэн көһөрүү бырагыраамата олоххо киирэр. Бу бырагыраама иитинэн 40 тыһыынча кэриҥэ киһи саҥа кыбартыыраланна, 2019 сылтан 724 тыһ. кв.м. саахалланар туруктаах дьиэттэн көһөрүлүннэ. 2025 сыл бүтүөр диэри Саха сиригэр 918 тыһ. кв.м. дьиэттэн 47 тыһ. киһи көһүөхтээх.
Өрөспүүбүлүкэҕэ сыллата социальнай эбийиэктэри тутуу элбиир. 2024 сылга тутааччылар социальнай эйгэ 76 эбийиэгин туталлар. Ол иһигэр 18 оскуола, 5 уһуйаан, 2 эбии үөрэхтээһин эбийиэгэ, 20 доруобуйа харыстабалын эбийиэгэ, 17 култуура эбийиэгэ уо.д.а. бааллар.
Күндү доҕоттор! Эйэни, дьолу, кытаанах доруобуйаны баҕарабын!
Ил Дархан Айсен Николаев.
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…
Тымныы полюһа Өймөкөөн Тымныытын сирэйдиир икки мэҥэ бэлиэ баар – Дьыл оҕуһа уонна Чысхаан. Тымныы…
Ил Дархан Айсен Николаев Дьокуускайга оробуочай сырыытынан кэлбит «Газпромбанк» АУ вице-бэрэсидьиэнинэн, «Үрдүк технологиялаах мэдиссиинэ көмөтө»…
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…