Ил Дархан Айсен Николаев Учуутал күнүнэн эҕэрдэлиир

Учуутал күнүнэн эҕэрдэлиибин!

Хас биирдиибитигэр олохпут тухары ахтар-саныыр Учууталлаахпыт. Киһи биһиэхэ эрэммитэ, өйөөбүтэ, хорсун, тулуурдаах буоларга, көмөлөспүтэ. Мин оскуолам сылларынааҕы өйдөбүллэри куруук истиҥник саныыбын. Бүгүҥҥү күҥҥэ Саха сирин оскуолаларыгар уонна кэллиэстэригэр уон тыһыынчаттан тахса педагог үлэлиир. Эһиги оҕолору оскуола боруогар көрсөҕүт, билии үллэстэҕит, сылааскытыттан бэрсэҕит, бэйэҕэ эрэллээх буолууга үөрэтэҕит. Эһиги сыраҕытын-сылбаҕытын бэлиэтээмиэхтэрин сөп, ол эрээри үлэҕит кэскили түстүүр, өрөспүүбүлүкэбитин күүстээх оҥорор.

Бу ураты күҥҥэ Саха сирин норуодунай учууталын туһунан кэпсиэхпин баҕарабын. Надежда Константиновна Тимофеева туһунан. Мин кинини кытта билсибитим ыраатта, мин хараҕым далыгар күүстээх кэлэктииби оҥорбута, Саха политехническай лиссиэйи инники кэм оскуолатынан оҥорбут улахан бырайыактары олоххо киллэрбитэ. Кини оҕолорго ытыктабыллаах сыһыаннаах, болҕомтолоох, кыахтарын арыйары сатыыр, саҥа саҕахтарга сирдиир. Бүтүн өрөспүүбүлүкэ, үөрэнээччилэрэ киэн туттар өссө элбэх чаҕылхай көрдөрүүлэри ситиһэригэр эрэнэбин. Киниэхэ Саха сирин норуодунай учуутала ааты иҥэрии — бу кини үөрэххэ кылаатын билинии уонна күннэтэ олоҕу сырдык уонна күүстээх оҥорор бары педагогтарга иэйиинэн буолуоҕа.

Биһиги педагогтарбытыгар оҕолорго таптал, муударай уонна тулуурдаах сыһыаннарын иһин махтанабын. Кылаастарга үөрүү-көтүү, ытыктабыл баар буоллун, үөрэнээччилэр ситиһиилэринэн үөрдэ турдуннар, оттон уопсастыба билиниитэ тирэх буоллун. Күндү учууталлар, бырааһынньыгынан!

Саха Өрөспүүбүлүкэтин баһылыга

Айсен Николаев.