Хаартыска: https://www.sakha.gov.ru/
Билиҥҥи кэмҥэ бу оскуола өрөспүүбүлүкэҕэ биир аныгылыы хааччыллыылааҕынан уонна иэнинэн саамай улаханнара.
Саҥа оскуолаҕа оҕолор Дьокуускай куорат сэттэ кыбаарталыттан үөрэниэхтэрэ. Үөрэтии 12-ки алын, 21 орто уонна улахан кылаастарга барыаҕа. Хас биирдии кылааска 30-туу оҕо үөрэнэрэ былааннанар.
«Оҕо – биһиги инникибит. Маннык сырдык, киэҥ, кыраһыабай, бары оборудованиенан толору хааччыллыбыт оскуола биһиги оҕолорбут үөрэнэллэригэр уонна сайдалларыгар кыаҕы биэриэҕэ», — диэн Дмитрий Демешин санаатын үллэһиннэ.
Оскуола дириэктэрэ Мария Прокопьева иһитиннэрбитинэн, «Прометей» микрооройуонугар олорор оскуолаҕа киириэн иннинээҕи саастаах оҕолор төрөппүттэрин ортолоругар үөрэҕи тэрийиигэ анкета ыытыллыбыт. Ол түмүгүнэн сүрүн хайысхалар быһаарыллыбыттар: байыаннай-патриотическай, духуобунаска, сиэргэ-майгыга иитии уонна информационнай-технологическай, биолого-химическай, физико-математическай кылаастары арыйыы.
Ил Дархан Айсен Николаев сүрүн болҕомтону бастыҥ учууталлартан педагогическай кэллэктиибин уонна үөрэх процеһын тэрийиигэ ууралларыгар эттэ.
Үс этээстээх 14,8 тыһ. кв.м. тахса иэннээх тутууга аныгылыы үөрэх кыһата тэрилиннэ. Оскуола 2 успуорт, хореографиянан дьарыктанарга саалалардаах, эспэримиэни ыытар уонна моделлыыр кииннээх, 250 миэстэлээх Led-экраннаах аактабай-театральнай саалалаах, гримнэнэр уонна инвентарнай хостордоох, вебинардары уонна онлайн-трансляциялары ыытарга «Джалинга» видеостудиялаах, компьютернай графика уонна робототехника лабораториялаах, физика, химия, лингафоннай кэбиниэттэрдээх, мастарыскыайдаах, ботаническай сааттаах, конференц-саалалаах, мультифункциональнай бибилэтиэкэлээх, мэдиссиинэ блогтаах, 330 олорор миэстэлээх остолобуойдаах.
Кабинеттар, лабораториялар уонна мастарыскыайдар аныгылыы оборудованиенан хааччыллыбыттар. Ол курдук, эспэримиэни ыытар уонна моделлыыр киин 3Д принтеринэн, моделлыыр уонна бырагыраамалыыр конструктардарынан, квадрокоптердарынан, компьютердарынан, ноутбуктарынан, интерактивнай дуоскаларынан, о.д.а. хааччыллыбыттар.
Оскуола территориятыгар воркаут былаһааккалаах, сүүрэр суоллаах, волейбол, баскетбол уонна футбол оонньуур хонуулардаах.
Бу эбийиэк «Үөрэхтээһин» нацбырайыак уонна «Аныгы оскуола» өрөспүүбүлүкэтээҕи бырайыак чэрчитинэн тутулунна.
Ил Дархан уонна Бырабыыталыстыба дьаһалтатын пресс-сулууспатын саайтыттан.
Ил Дархан Айсен Николаев б.дь. ыам ыйын 3 күнүнээҕи ыйааҕынан СӨ тыа хаһаайыстыбатын уонна ас-үөл…
Муус устарга 872 оҕо күн сирин көрбүт. Дьиэ кэргэн уонна Оҕо саас сылларыгар Саха сиригэр…
Байыастарга бырааһынньыктааҕы ас-үөл набордарын ыам ыйын 11 күнүгэр диэри туттартыахтара. Кыайыы күнүн көрсө ас-үөл набордарын…
Бүгүн Араадьыйа күнүн көрсө "Саха" НКИХ салалтата Аҕа дойду Улуу сэриитин кыттыылааҕа, Сэбиэскэй сойуус Дьоруойа,…
Суоттуга тыыл бэтэрээннэригэр, сэрии кэмин оҕолоругар, Дьоруой ийэҕэ, байыаннай дьайыыга кытта сылдьар дьоммут дьиэ кэргэттэригэр…
Бу күннэргэ Ньурба улууһун баһылыга Алексей Иннокентьев улуус нэһилиэктэригэр сылдьан үлэни-хамнаһы кытта билсэр. Ол курдук,…