Хаартыска СӨ Баһылыгын пресс-сулууспатыттан
Ил Дархан Айсен Николаев тохсунньу 25 күнүгэр бэлиэтэнэр Арассыыйа устудьуоннарын күнүнэн эҕэрдэлээтэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Бу бырааһынньык – бары көлүөнэлэргэ уопсай бырааһынньык, тоҕо диэтэххэ, хас биирдиибит устудьуоннуур кэрэ кэми ааспыта. Устудьуон сыллара – хорсун санаалар, инники былааннар, кыайыы-хотуу кэмнэрэ, эдэр дьон айар-тутар санааҕа уйдарар кэмнэригэр толору эрэллээх буолаллар, олохторун устатыгар доҕоттору булаллар. Бу кэмҥэ инники олоҕо түстэнэр: билии-көрүү, сатабыл, бириинсиптэр уонна итэҕэйии. Бүгүн биһиги өрөспүүбүлүкэбит үрдүк үөрэҕин тэрилтэлэригэр 24 тыһыынчаттан тахса устудьуон үөрэнэр, оттон орто анал үөрэхтэргэ – 24 103 устудьуон. Өрөспүүбүлүкэ үөрэҕин тэрилтэлэрэ эрэгийиэн социальнай-экэнэмиичэскэй, култуурнай уонна инновационнай сайдыытын суолунан буолаллар. Манна эрдэттэн каадырдары бэлэмнээһин барар, оттон үрдүк үөрэх кыһалара бэйэлэрин наука уонна технология кииннэрин быһыытынан көрдөрөллөр», — диэн Айсен Николаев этэр.
Кини сотору кэминэн биһиги өрөспүүбүлүкэбитигэр үрдүк үөрэхтэр икки ардыларынааҕы кампус баар буолуоҕун эттэ. Бу уратыта — орто анал уонна үрдүк үөрэх тэрилтэлэрин холбоһуктаах үлэлэрэ быыстала суох барыаҕа, бу саҥа идэлэргэ наадыйыы улаатарыгар, идэтийбит каадырдарынан өрөспүүбүлүкэ экэниэмикэтин салааларын хааччыйыыга кыаҕы биэриэҕэ.
«Саха сирин ыччата аныгы технологиялары, искусственнай интеллект сайдыытыгар, киэҥ иһитиннэриини ырытыыга интэриэстээх. Ол курдук, ХИФУ МГУ-ну кытары стратегическай бырайыак чэрчитинэн магистратура «Наука о данных» уонна бакалавриат «Искусственный интеллект и анализ данных» бырагыраамаларын ырытан оҥорон, олоххо киллэрбиттэрэ. Бэлиэтээн эттэххэ, устудьуоннар олохторо үөрэҕинэн эрэ муҥурдаммат. Бу сыалай эйгэ – манна устудьуоннар биисинэс-инкубатордара, бибилэтиэкэ, научнай куруһуоктар, араас кэллэктииптэр баар. Биһиги үрдүк үөрэхтэрбит, кэллиэстэрбит уонна техникумнарбыт уларыйаллар уонна көхтөөхтүк сайдаллар», — диэтэ Ил Дархан.
Түмүккэ, Ил Дархан Айсен Николаев устудьуоннарга үчүгэй үөрэҕи ылан, олоххо миэстэлэрин булалларыгар, куруук сырдыкка уонна үрдүккэ дьулуһалларыгар, баҕа санаалара туоларыгар баҕарда.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…