Бүгүн Федерация Сэбиэтигэр Ил Дархан Айсен Николаев Федерация Сэбиэтин бэрэссэдээтэлэ Валентина Матвиенколыын көрүстэ.
Ол курдук көрсүһүү кэмигэр өрөспүүбүлүкэ социальнай-экэнэмиичэскэй сайдыытын боппуруостарын тула кэпсэттилэр.
Федерация Сэбиэтин спикерэ эрэгийиэн номнуо хасыһын да Арассыыйа Федерациятын субъектарын күннэригэр кыттарын бэлиэтээн эттэ. 2022 сыл өрөспүүбүлүкэҕэ ураты сыл — өрөспүүбүлүкэ тэриллибитэ сүүс сыла бэлиэтэнэр диэтэ. Валентина Матвиенко Саха сирэ экэнэмиичэскэй уонна социальнай өттүнэн дойдуга дьоһун миэстэни ыларын бэлиэтээтэ. «Кэлиҥҥи сылларга Саха сирэ күүскэ сайдан иһэр. Ол гынан баран субъекка федеральнай өйөбүл наада. Чуолаан, Өлүөнэ муостатын тутууга. Бу тутууну олохтоохтор бары кэтэһэллэр», — диэтэ.
Валентина Матвиенко парламеҥҥа эрэгийиэн сенатордара, ол иһигэр аграрнай-продовольственнай бэлиитикэ уонна айылҕаны туһаныы кэмитиэтин бэрэссэдээтэлин солбуйааччы Егор Борисов, федеративнай тутул, олохтоох салайыныы уонна Хоту сир дьыалаларын кэмитиэтин бэрэссэдээтэлин солбуйааччы Александр Акимов үлэлэрин үрдүктүк сыаналаата. «Кинилэр көҕүлээһиннэринэн хас да сокуон ылыныллан, ол иһигэр Уһук Хоту сир оҕолорун өйүүр сыаллаах «Арктика оҕолоро» бырайыак үлэлиир», — диэн эттэ Валентина Матвиенко.
Ил Дархан Айсен Николаев өрөспүүбүлүкэ социальнай-экэнэмиичэскэй туругун туһунан кэпсээтэ.
— Биһиги Валентина Ивановнаҕа өрөспүүбүлүкэ быыстапкатын көрдөрдүбүт. Валентина Ивановна инновационнай уонна креативнай бырайыактары үрдүктүк сыаналаата. Кини биһиги өрөспүүбүлүкэбитигэр өрүү истиҥник сыһыаннаһар. Биһиги бырайыактарбытын куруук өйүүр, — диэн Ил Дархан телеграмҥа ханаалыгар суруйда.
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…