Хаартыска sakha.gov.ru ылылынна.
Бэҕэһээ, от ыйын 10 күнүгэр, видеосибээһинэн буолбут мунньах кыттыылаахтара тирээн турар суолталаах боппуруостары, ол иһигэр дойдуга ойуур баһаардарын уонна халаан уутун боппуруостарын дьүүллэстилэр.
ЫБМ миниистирэ Александр Куренков судаарыстыба баһылыгар эрэгийиэннэргэ балаһыанньаны билиһиннэрдэ.
«Авиалесоохрана иһитиннэриитинэн, бүгүҥҥү күҥҥэ дойду үрдүнэн биир мөл.гектартан тахса иэннээх сиринэн 500-тэн тахса ойуур баһаарын көрдүгэнэ бэлиэтэнэр. Итинтэн 62 бохсуллубут, ол эбэтэр 12 бырыһыана. Оттон 15 ойуур баһаара нэһилиэнньэлээх пууннартан чугас баар», — диэн этэр миниистир.
Кини Арассыыйа МЧС күүһэ нэһилиэнньэлээх пууннары уоттан көмүскээһиҥҥэ туһаайылларын этэр.
«Саха Өрөспүүбүлүкэтигэр уонна Забайкалье кыраайыгар эрдэттэн биирдии Бе-200 салгын ааллара уонна иккилии Ми-8 бөртөлүөт ыытыллыбыттара уонна билигин үлэлии сылдьаллар. Ойуур баһаардарын умуруорууга барыта алта тыһ. тахса киһи, 700 көлө уонна 50 салгын аала үлэлиир», — диир Александр Куренков.
Маны сэргэ, кини сааскы халаан содулларын туоратыы, ол иһигэр тутуу уонна олорор дьиэлэри чөлүгэр түһэрии үлэлэрин туһунан дакылааттаата.
Сүбэ мунньахха сорох эрэгийиэннэргэ итии уонна кураан күн-дьыл турара, үрдүк кылаастаах баһаар куттала бэлиэтэнэрэ этилиннэ.
РФ экология миниистирэ Александр Козлов иһитиннэрбитинэн, хоту ойуур баһаардара биир ый эрдэ саҕаламмыттар. Маныаха аһара куйаарыы биричиинэ буолара этиллэр. Манна кураанах этиҥ эмиэ бэлиэтэннэ. Александр Козлов эппитинэн, итинтэн Саха сиригэр 843 ойуур баһаара буолбут. Ыам ыйын 31 күнүгэр бэлиэтэммит +30 кыраадыс өрөспүүбүлүкэҕэ 1971 сыллаахха бэлиэтэнэн турар.
Александр Козлов эрэгийиэннээҕи күүстэргэ Авиалесоохрана күүстэрэ уонна эрэгийиэннэр икки ардыларынааҕы үлэ көмөлөһөллөрүн этэр.
Министр Владимир Путиҥҥа ойуур баһаарын умуруоруу иэнэ улааппыт эрэгийиэннэрин үбүлээһиҥҥэ сорудах хайдах толорулларын иһитиннэрдэ.
Сиһилии https://www.sakha.gov.ru/news/front/view/id/3407620 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Киһи анаалыс туттаран ханнык битэмиин тиийбэтин бэрэбиэркэлэппэтэх буоллаҕына, анемиялааҕын билимиэн сөп. Ол эрээри миэдиктэр этэллэринэн,…
Мэҥэ Хаҥалас Хаптаҕайыгар өссө биир кэрэ бэлиэ тэрээһин ааста. Саас-сааһынан кэпсээтэххэ, тумус туттар ытык киһибит,…
Саха Өрөспүүбүлүкэтин норуодунай артыыһа Алексей Павлов салайар Үүнэр Көлүөнэ тыйаатыра Михаил Шолохов "Киһи дьылҕата" диэн…
Өлүөнэ муостатын инфраструктуратын элэмиэннэрин тутуу салҕанар. Халлаан төһө да тымныйдар, кыһыҥҥы өттүнээҕи үлэ технологическай уратыны…
Режиссер Дмитрий Давыдов "Прозрачные земли" диэн ааттаах саҥа киинэтэ тахсаары турарын туһунан "Сахафильм" киинэ хампаанньатын…
Мииринэйдээҕи ИДьМ дьуһуурунай чааһыгар Светлай бөһүөлэгин олохтооҕо дьахтар тэлэбиисэрин уордарбытын туһунан иһитиннэрбит. Хоромньу 10 тыһ.солк.…