Ил Дархан Айсен Николаев «Якутия, вперед!» биэриигэ от ыйын түмүктэрин таһаарыаҕа

Бүгүн, от ыйын 29 күнүгэр, Ил Дархан Айсен Николаев «Якутия, вперед!» биэриигэ от ыйын түмүктэрин таһаарыаҕа. Эпиир «Якутия 24», «Саха» НКИХ ханаалларыгар көстүөҕэ уонна  «Тэтим» араадьыйаҕа иһиллиэҕэ.

Ил Дархан Өймөкөөн уонна Абый улуустарыгар халаан уутуттан босхолонуу, ойуур баһаардарын туһунан кэпсиэҕэ. Итиэннэ бырамыысыланнас оройуоннарыгар үлэлээбитин, «Саха сирэ — дьоруойдар сирдэрэ» каадыр бырагырааматын үлэтин, Саха сирин байыастарын хорсун быһыыларын, Саха сирин бастакы бэрэсидьиэнэ М.Е.Николаев аатын үйэтитиигэ үлэлэр туһунан иһитиннэриэҕэ.

Эпиир 20:30 чаастан «Якутия 24» ханаалга көстүөҕэ, оттон 21:00 чаастан «Саха» НКИХ ханаалыгар көстүөҕэ, «Тэтим» араадьыйаҕа иһиллиэҕэ.