Хаартыска sakha.gov.ru ылылынна.
Саха сирин күндү эдэр ыччата!
Бүгүн, бэс ыйын 29 күнүгэр, биһиги Ыччат күнүн— эдэр саас бырааһынньыгын, кэрэ кэмҥэ эрэли, саҥа кыахтары бэлиэтиибит.
Саха Өрөспүүбүлүкэтин салалтатын аатыттан Ыччат күнүнэн эҕэрдэлиибин! Дойдубут уонна өрөспүүбүлүкэбит эдэр көлүөнэтэ — биһиги баайбыт, биһиги күүспүт уонна улахан эрэлбит.
Биһиги ыччаппыт үөрэх, наука, култуура, духуобунай сайдыы эйгэтигэр араас бырайыактары сайыннараары түмсэрин олус астынан бэлиэтиибин. Дьиҥнээх брендинэн»Муус устар» ыччат бэстибээлэ буолла, быйыл 4500 талааннаах эдэр ыччаты Саха сирин 35 муниципальнай оройуонуттан түмтэ. Бэстибээлгэ сылдьан ыччаты кытта көрүстүм уонна бу бырайыак — өрөспүүбүлүкэбит сайдыытыгар улахан кыах буоларын бэлиэтиибин.
Саха сиригэр сыллата патриотическай тэрээһиннэр ыытыллаллар — баларга кэнники сылга 178 тыһыынча эдэр киһи хабылынна. Мин 2020 сыллаахха бигэргэппит гражданскай уопсастыбаны сайыннарыыга граннарым үчүгэй өйөбүлүнэн буоллулар дии саныыбын. Ол курдук, граннар куонкурустарын түмүгүнэн быйыл 102,6 мөл солкуобай суумаҕа 77 бырайыак өйөбүлү ылла.
Туспа болҕомтону волонтердар үлэлэригэр ууруохпун баҕарабын — кинилэр ахсааннара кэнники сылга 114,7 тыһыынча киһиэхэ тиийдэ. Кинилэр түмсүүлэрин уонна көхтөөхтөрүн түмүгэр бэйэбит биир дойдулаахтарбытын, байыаннай дьайыы байыастарын быыстала суох өйүүбүт, кинилэргэ гуманитарнай көмөнү тэрээһиннээхтик тиэрдэбит, госпиталларга көмөлөһөбүт, кинилэр дьиэ кэргэттэрин өйүүбүт. Волонтердары кытта устудьуоннар тутар этэрээттэрин байыастара туора турбаттар. Уонна бу оҕолор Саха сирин бэлиэ суолталаах тэрээһиннэригэр куруук көмөлөһөргө бэлэмнэр. Билигин «Азия оҕолоро» VIII норуоттар икки ардыларынааҕы оонньууларга 1900 волонтер баар диэн бары билэбит.
Күндү эдэр ыччат, эһиэхэ бары саҕалааһыннаргытыгар, дьулуһуугутугар ситиһиилэри баҕарабын! Эһиги айар үлэҕит, көхтөөх буолуугут уопсастыбабыт олоҕор чаҕылхай уларыйыылары киллэрэ турдун.
Саха сирин уонна дойдубут инники кэскилигэр эһиги дьоһун көмөҕүт сыаналанар уонна суолталаах.
Бу бырааһынньык хас биирдиигитигэр инники ситиһиилэргитигэр духуобунай уонна күүс өттүнэн бэлэмнээх буоларгытыгар көмөлөстүн, уопсай дьыалабыт сайдыытыгар дьоһун кылааты киллэрэр кыаҕы биэрдин. Бырааһынньыгынан, күндү ыччаппыт!
Айсен Николаев, Саха Өрөспүүбүлүкэтин Ил Дархана
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…