Айсен Николаев “Якутия 24” уонна “Саха” НКИХ телеханаалларыгар, ону тэҥэ “Тэтим” араадьыйаҕа “Саха сирэ, иннин диэки!” биэрии эпииригэр 2022 сыл сэтинньи ый түмүктэрин таһаарыаҕа.
Бырагыраамаҕа сүрүн тиэмэнэн быстах хомуур кыттыылаахтарын, баҕа өттүлэринэн хантараактаспыттар, анал байыаннай эпэрээссийэ кыттыылаахтарын дьиэ кэргэттэрин өйүүр миэрэлэр тустарынан Ил Дархан ыйаахтарын толоруу уонна өрөспүүбүлүкэ кэлэр үс сыллааҕы бүддьүөтүн торумнааһын буолуоҕа. Эрэгийиэн үбүн-харчытын сүрүн докумуонугар өрөспүүбүлүкэҕэ аһынан-үөлүнэн хааччыйыыга тирэх буолар тыа хаһаайыстыбатын салаатын кээмэйин үрдэтии былааннаммыта.
Айсен Николаев Саха сиригэр үс федеральнай миниистир тэҥинэн – Уһук Илини уонна Арктиканы сайыннарыыга миниистирэ Алексей Чекунков, РФ экэниэмикэҕэ сайдыытын миниистирэ Максим Решетников уонна сыыппара сайдыытыгар, сибээскэ уонна маассабай коммуникацияларга миниистирэ Максут Шадаев кэлэн үлэлээбиттэрин түмүгүн кэпсиэҕэ.
Ону тэҥэ Хотугу пуорумҥа тирэхтээх сайыннарыы дьоһун быһаарыыларын туһунан кэпсэтиэхтэрэ.
Өрөспүүбүлүкэ баһылыга Арктиканы баһылааһыҥҥа уонна Хотугу муора суолунан тиэйиини улаатыннарыыга “Якутия” атомнай ледокол суолтатын туһунан кэпсиэҕэ. Санаттахха, Санкт-Петербурга Балтийскай собуокка тутуллубут суудунаны ууга сэтинньи 22 күнүгэр ыыппыттара.
Эпиири бүгүн олохтоох бириэмэнэн 21:00 чааска “Якутия24” уонна “Саха” НКИХ ханаалларынан көрүҥ, “Тэтим” араадьыйаҕа истиҥ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…