Айсен Николаев “Якутия 24” уонна “Саха” НКИХ телеханаалларыгар, ону тэҥэ “Тэтим” араадьыйаҕа “Саха сирэ, иннин диэки!” биэрии эпииригэр 2022 сыл сэтинньи ый түмүктэрин таһаарыаҕа.
Бырагыраамаҕа сүрүн тиэмэнэн быстах хомуур кыттыылаахтарын, баҕа өттүлэринэн хантараактаспыттар, анал байыаннай эпэрээссийэ кыттыылаахтарын дьиэ кэргэттэрин өйүүр миэрэлэр тустарынан Ил Дархан ыйаахтарын толоруу уонна өрөспүүбүлүкэ кэлэр үс сыллааҕы бүддьүөтүн торумнааһын буолуоҕа. Эрэгийиэн үбүн-харчытын сүрүн докумуонугар өрөспүүбүлүкэҕэ аһынан-үөлүнэн хааччыйыыга тирэх буолар тыа хаһаайыстыбатын салаатын кээмэйин үрдэтии былааннаммыта.
Айсен Николаев Саха сиригэр үс федеральнай миниистир тэҥинэн – Уһук Илини уонна Арктиканы сайыннарыыга миниистирэ Алексей Чекунков, РФ экэниэмикэҕэ сайдыытын миниистирэ Максим Решетников уонна сыыппара сайдыытыгар, сибээскэ уонна маассабай коммуникацияларга миниистирэ Максут Шадаев кэлэн үлэлээбиттэрин түмүгүн кэпсиэҕэ.
Ону тэҥэ Хотугу пуорумҥа тирэхтээх сайыннарыы дьоһун быһаарыыларын туһунан кэпсэтиэхтэрэ.
Өрөспүүбүлүкэ баһылыга Арктиканы баһылааһыҥҥа уонна Хотугу муора суолунан тиэйиини улаатыннарыыга “Якутия” атомнай ледокол суолтатын туһунан кэпсиэҕэ. Санаттахха, Санкт-Петербурга Балтийскай собуокка тутуллубут суудунаны ууга сэтинньи 22 күнүгэр ыыппыттара.
Эпиири бүгүн олохтоох бириэмэнэн 21:00 чааска “Якутия24” уонна “Саха” НКИХ ханаалларынан көрүҥ, “Тэтим” араадьыйаҕа истиҥ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската
Байыаннай дьайыыга дьоруойдуу охтубут Аркадий Прокопьев анал сорудаҕы толорбутун иһин Арассыыйа Бэрэсидьиэнэ Владимир Путин ыйааҕынан…
Бэҕэһээ, ыам ыйын 9 күнүгэр, урукку сыллардааҕар үс күнүнэн эрдэлээн Ленскэй куорат аннынан өрүс эһиннэ.…
Саха сириттэн сылдьар Алексей Тарасов Улуу Кыайыы күнүгэр Москваҕа Кыһыл болуоссакка байыаннай параадка кыттыыны ылла.…
Бүгүн, ыам ыйын 10 күнүгэр, өрөспүүбүлүкэ илин, хотугулуу-илин, өттүгэр инчэҕэй хаар, хоту хаар кыралаан түһэрэ…
Федор Кузьмич Попов 1921 сыл ахсынньы 8 күнүгэр Мэҥэ Хаҥалас улууһугар Иккис Баатара нэһилиэгэр Поповтар…
Дойду бэрэсидьиэнэ Владимир Путин Кыайыы параадын кэмигэр Арассыыйа аан дойду сэриитин таһаарбат туһугар үлэни ыытарын,…