Ил Дархан Айсен Николаев Жатайга ускуустуба оскуолатыгар сырытта
19.07.2024, 19:15
Хаартыскаҕа Андрей Сорокин түһэриитэ, СИА
Бөлөххө киир:
Ил Дархан Айсен Николаев бүгүн, от ыйын 19 күнүгэр, Жатайга ускуустуба оскуолатыгар сырытта.
Манна 2023-2024 үөрэх дьылыгар 152 оҕо үөрэммит. Хас да отделение аһыллыбыт — фортепиано, норуодунай үстүрүмүөннэр, вокальнай-хоровой, духовой үстүрүмүөннэр уонна үҥкүү отделениелара.
Оҕо ускуустубаҕа оскуолатын дириэктэрин солбуйааччы Александра Дубовицкая дьиэлэрэ-уоттара табыгастааҕа эбитэ буолар, өссө элбэх оҕону үөрэтэр кыахтаахтарын этэрэ. Билиҥҥи туругунан, оскуола 1952 сыллаахха тутуллубут урукку икки мэндиэмэннээх уһуйаан дьиэтигэр баар. Жатай дьаһалтата номнуо 145 миэстэлээх саҥа эбийиэк бырайыактыыр-сметнай докумуонун оҥорбут.
«Жатайга оҕо ускуустубаҕа оскуолата үлэтинэн өрөспүүбүлүкэҕэ биллэр. Үчүгэй кэлэктиип үлэлиир, ситиһиилэр бааллар. Арай, дьиэ-уот эргэ, 150 оҕо үөрэнэригэр кыараҕас. Биллэн турар, оскуоланы тутуу боппуруоһа тирээтэ. Куорат уокуругун дьаһалтата туора турбата үчүгэй. Маннык бырайыактар бастакы уочарат өйөбүлү ылаллар», — диэн этэр Ил Дархан.
Жатайга оҕо ускуустубаҕа оскуолата 2024 сылга тэриллибитэ 55 сылын туолла. Үөрэх кыһатыгар 15 педагог үлэлиир, кинилэр ортолоругар бу оскуола үс выпускнига баар. Үөрэнээччилэр сыл ахсын Саха сирин култууратын үөрэҕин кыһаларыгар киирэллэр.
Сиһилии https://www.sakha.gov.ru/news/front/view/id/3408572 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: