Ил Дархан Алдан куорат 100 сылыгар бэлэмнэниитин күүһүрдэргэ соруйда
08.11.2022, 22:02
Бөлөххө киир:
СӨ Ил Дархана Айсен Николаев 2023 сылга 100 сылын туолар Алдан куоратыгар, бэлиэ даатаны көрсө бэлэмнэнии үлэнэн сүбэ мунньаҕы ыытта.
Туох үлэ толоруллубутун оройуон баһылыга Александр Шестопалов иһитиннэрдэ. Ил Дархан туох ханнык иннинэ, ОДьКХ уонна социальнай эйгэ боппуруостарын быһаарарга соруйда.
«Алдан — бырамыысыланнас сайдыбыт куората. Арассыыйа Бэрэсидьиэнин Ыйааҕынан»Килбиэннээх үлэ куората» бочуоттаах ааты ылбыта. Билигин куорат сайдарыгар бары усулуобуйаны тэрийиэххэ наада. Алдаҥҥа олох-дьаһах коммунальнай хаһаайыстыбатын, социальнай эйгэ боппуруостарын хайаан да быһаарар наада. Маныаха кэнники сылларга бэлиэтэнэр ситиһиилэри биһиги эмиэ көрөбүт. Түргэн быһаарыыны эрэйэр тэрээһиннэр бааллар. СӨ Бырабыыталыстыбатыгар Алдан куорат 100 сыллаах тэрээһиннэрин кытары сибээстээх боппуруостарынан, кэлэр сыл бүддьүөтүгэр үп-харчы боппуруоһун эрдэттэн учуоттуулларыгар сорук туруорулунна«, — диэн бэлиэтиир Айсен Николаев.
Үбүлүөйдээх бэлиэ даатаҕа тэрээһиннэри тэрийэргэ уонна ыытарга анаан бигэргэммит тэрийэр кэмитиэти бастакы вице-премьер Кирилл Бычков салайар.
Санатан эттэххэ, 2021 сыллаахха Алдаҥҥа «Килбиэннээх үлэ куората» бочуоттаах аат иҥэриллибитэ. Дойду Бэрэсидьиэнэ Владимир Путин Аҕа дойду сэриитин сылларыгар алданнар хорсун-хоодуот быһыыларын бэлиэтээн, сүгүрүйэн туран, Арассыыйа 12 куоратын кытары, Алдаҥҥа бочуоттаах ааты иҥэрэр туһунан ыйаахха илии баттаабыта.
Хаартыскаларга Андрей Сорокин (СИА) түһэриилэрэ
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: