Ил Дархан Айсен Николаев Алдаҥҥа быстах байыаннай хомуурга барбыт дьоҥҥо көмөнү хомуйар #БАРЫБИИРГЭ оройуоннааҕы сүрүннүүр кииҥҥэ сылдьан үлэ-хамнас хаамыытын көрдө-иһиттэ.
Киини салайар Надежда Селютина быйыл балаҕан ыйыттан үлэ саҕаламмытын этэр. Алдантан Чита уонна Уссурийскай куораттар сүүмэрдиир пууннарыгар тиийбит байыастарга 487 кг кэриҥэ материальнай көмө, ол иһигэр саллаат күннээҕи олоҕор туттар тэриллэрин ыыппыттар. Онтон 2,5 тн ордук көмө Дьокуускайга #БАРЫБИИРГЭ өрөспүүбүлүкэтээҕи ыстаапка тиэрдиллибит.
Айсен Николаев байыастарга уонна кинилэр дьиэ кэргэттэригэр көмөлөрүн иһин киин үлэһиттэригэр махтанна.
«Бу оҥорор үлэҕит улахан суолталаах. Иннигитигэр туруоруллубут сыалы-соругу толороргутун салҕааҥ. Байыастарбытыгар уонна кинилэр дьиэ кэргэттэригэр биһиги бары болҕомтобутун, кыһамньыбытын ууруохтаахпыт. Бу көмөнү сэргэ, байыаннай сулууспалаахтар чөлгө түһүүлэрин, социальнай өйөбүлү эмиэ таарыйар«, — диэн бэлиэтээтэ баһылык.
Сүрүннүүр кииҥҥэ байыаннай сулууспалаахтарга уонна кинилэр дьиэ кэргэттэригэр көмөнү оҥоруу боппуруоһунан сайаапкалар киирэллэр, мобилизацияламмыттар аймахтарын кытары, ол иһигэр, телеграмҥа анаан тэриллибит чатынан сибээс олохтонор. Хас биирдии дьиэ кэргэҥҥэ көмө биирдиилээн оҥоһуллар.
Ол курдук, киин исписэлиистэрэ кирэдьиит биэрбит тэрилтэлэри, ОДьКХ тэрилтэлэрин, СӨ оҕо быраабын көмүскүүр боломуочунай уопсастыбаннай көмөлөһөөччүлэрин, СӨ киһи быраабыгар боломуочунайы уонна Алдан оройуонун нэһилиэнньэ дьарыктаах буолуутун киинин бэрэстэбиитэллэрин кытта боппуруостары быһаарыыга үлэлэһэллэр. Маны таһынан, Приморскай кыраайга, ЕАО уонна Бурятияҕа мобилизацияламмыт уолаттар ыал буолууларын докумуонунан бигэргэтиигэ көмөлөспүттэр.
Киин үбү-харчыны хомуйууну тэрийбит, нэһилиэктэр баһылыктарын кытары байыастар дьиэ кэргэттэрин, аймахтарын кытары билсэ-көрсө олорорго хардарыта сибээс олохтоммут, ону таһынан тиийэн сүбэни-аманы биэрии тэриллибит.
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …