Ил Дархан Айсен Николаев Анаабыр улууһугар оробуочай сырыытын кэмигэр байыаннай дьайыы кыттыылааҕын дьиэ кэргэнин кытта көрүстэ.
Байыас кэргэнэ Нюана Михайловна Айсен Николаевка кэпсээбитинэн, ыал аҕа баһылыга Гаврил Николаевич байыаннай дьайыыга 2022 сыл балаҕан ыйыттан сылдьар.
«Кэргэним Запорожскай хайысханан сылдьыбыта, танкист. Билигин кинини атын подразделениеҕа көһөрбүттэрэ. Бу сыл саҥатыгар Саха сириттэн киниэхэ тепловизор илдьибиттэрэ. Улахан өйөбүлү, көмөнү үлэлээбит тэрилтэтэ, кэлэктиибэ оҥорор», – диэн кэпсээтэ Нюана Михайловна.
Билигин ыал ийэтэ икки саастаах оҕотун көрөн олорор. «Биһиэхэ улуус дьаһалтата улахан күүс-көмө буолар. Ас-үөл нобуорунан, хаһаайыстыбаҕа көмөлөһөллөр», – диэтэ.
Дьиэ кэргэн эрэгийиэннээҕи уонна муниципальнай биир кэмнээх төлөбүрдэри ылан туһаммыт.
Айсен Николаев истиҥник дьиэ кэргэни кэлэн иһэр Саҥа дьылынан эҕэрдэлээтэ уонна байыаска эҕэрдэтин тириэрдэргэ көрдөстө.
«Гаврил Николаевич ДНӨ баар тирэх пууҥҥа сибээскэ таҕыстаҕына, киниэхэ күүс-көмө буолуохтара», – диэн эттэ көрсүһүү кэмигэр Ил Дархан.
Айсен Николаев байыас дьиэ кэргэнэ куортамнаан олорор дьиэлэрин усулуобуйатын көрөн баран, олохтоох былааска кылгас кэм иһигэр социальнай наймылаһыы бэрээдэгинэн толору хааччыллыылаах дьиэнэн хааччыйарга эттэ.
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…
Саха сирэ Кытай Норуодунай Өрөспүүбүлүкэтин Цзянси провинциятын кытары доҕордуу сибээс туһунан Сөбүлэһии түһэристэ. Арассыыйа -…