Ил Дархан Анал этиитэ олоххо тирэхтээхпитин туоһулуур

Ил Дархан Айсен Николаев Анал этиитигэр Хаҥалас улууһун Өктөм бөһүөлэгин олохтооҕо Юлиана Николаева санаатын үллэһиннэ:

— Ил Дархан Анал этиитин сыл ахсын көтүппэккэ истэбин. Саҥа сылы көрсө сыл түмүктэрин таһаарыы, саҥа былааннары торумнааһын биһиэхэ, саха дьонугар, олоххо тирэхтээхпитин туоһулуур. Мин учуутал идэлээх киһи буларым быһыытынан, өрөспүүбүлүкэҕэ элбэх оскуолалар, уһуйааннар тутуллалларыттан олус үөрэбин. Кэлэр сылга өрөспүүбүлүкэҕэ 18 саҥа оскуола тутулларын, оскуола оҕолоругар дойдуга бэриниилээх буолууга туһаайыллар үлэ салгыы ыытылларын биһирии, астына иһиттим. Тоҕо диэтэххэ, үүнэр көлүөнэ өрөспүүбүлүкэбит инникитэ буолар.