Мария Васильева (СИА) хаартыската
Өрөспүүбүлүкэ Баһылыга Айсен Николаев СӨ Бырабыыталыстыбатын Бэрэссэдээтэлинэн үлэлээбит Андрей Тарасенконы кытары көрүстэ.
Айсен Николаев Андрей Тарасенко СӨ Бырабыыталыстыбатын Бэрэссэдээтэлинэн үлэлээбит үс сылыгар Саха сирэ социальнай-экэнэмиичэскэй сайдыытыгар киллэрбит сүдү кылаатын бэлиэтээн туран, махтанарын биллэрдэ.
«Андрей Владимирович Саха сиригэр үлэлиир кэмнэрэ чэпчэкитэ суохтар этэ, ол гынан баран кини туруоруллубут соругу дьоһуннаахтык толорбута. Бу сыллар усталарыгар кини бэйэтин дьыалатын баһылаабыт профессионал быһыытынан көрдөрдө. Биһиги биир хамаанда буолан, Саха сирэ сайдарын, хас биирдии олохтооҕун уйгута тупсарын туһугар туһуламмыт элбэх бырайыагы олоххо киллэрбиппит. Биһиги Андрей Владимировиһы кытары үлэлээбит сылларбытын үрдүктүк сыаналыыбыт. Биһиги дойдубут туһугар өссө даҕаны элбэҕи оҥоруоҕа диэн эрэнэбин», – диэн Айсен Сергеевич бэлиэтээтэ.
Ил Дархан Андрей Владимировичка ситиһиилэри уонна бары үчүгэйи баҕарда диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Санатар буоллахха, балаҕан ыйын 28 күнүгэр СӨ Бырабыыталыстыбата Ил Дархан солотугар киирээтин кытта боломуочуйатын устуммута. Алтынньы 2 күнүгэр Ил Дархан СӨ Бырабыыталыстыбатын Бэрэссэдээтэлин эбээһинэһин толорооччунан Кирилл Бычкову анаабыта. Алтынньы 4 күнүгэр кини кандидатуратын Ил Түмэн сөбүлэһэрин биллэрбитэ.
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…
Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…
СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…
Бүгүн, атырдьах ыйын 31 күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…