Хаартыска: СИА
Саха сирин Ил Дархана Айсен Николаев дойду Бэрэсидьиэнигэр Дьокуускай сайдыытын маастар-былаана олоххо хайдах киирэн иһэрин туһунан иһитиннэрии оҥордо.
Дакылаат судаарыстыба баһылыга “Үлэ кыбаартала” креативнай кластерга өрөспүүбүлүкэ үрдүк технологичнай уонна айар индустриятын ситиһиилэрин экспозициятын көрө сылдьар кэмигэр оҥоһулунна диэн иһитиннэрэр СӨ Ил Дарханын уонна СӨ Бырабыыталыстыбатын пресс-сулууспата.
Айсен Николаев бэлиэтээн эппитинэн, Дьокуускай маастар-былаанын кэнсиэпсийэтин оҥорорго, ыччаты интэриэһиргэтэр креативнай индустрияны сайыннарыыга сүрүн кыах-күүс ууруллубут.
“Биһиги сорукпут – 10 сыл иһигэр Дьокуускайы бүтүн Уһук Илин креативнай киин куоратынан оҥоруу. Ол туһугар айар үлэҕэ уонна үөрэхтээһиҥҥэ аныгы инфраструктураны оҥоруу көрүлүннэ. Билигин РФ Үөрэххэ уонна наукаҕа министиэристибэтин куонкуруһугар үрдүк үөрэхтэр ыккардыларынааҕы кампус бырайыагын бэлэмнии сылдьабыт. Бу интэриэһинэй аныгы кэнсиэпсийэ”, — диэн бэлиэтээтэ Айсен Николаев.
Маастар-былаан тэрээһиннэрин олоххо киллэрии биир көрүҥэ — куорат биир саамай сытыы кыһалҕата – сааххалланар туруктаах дьиэ элбэҕэ буолар. Бу дьону көһөрөр бырагыраама быйыл Дьокуускайга урутаан түмүктэниэ диэн кэпсээтэ Ил Дархан. Ааспыт уон сылга 11 тыһыынча киһи хаарбах туруктаах уопсайа 125 тыһ кв.м. иэннээх дьиэлэртэн көһөрүллүбүт.
Дойду Бэрэсидьиэнэ Владимир Путин сорудаҕынан, 2023 сыл балаҕан ыйын 1 күнүгэр билиниллибит саахалланар туруктаах дьиэлэр 2030 сылга бүтүннүү суох оҥоһуллуохтаахтар. Оннук 423,8 тыһ.кв.м иэннээх, 32,1 тыһ. киһи олорор 957 дьиэтэ куоракка баар.
Хаарбах дьиэлэри күрдьүү хайыы-үйэ саҕаланна диэтэ Ил Дархан. 121 дьиэ кэргэн саамай мөлтөҕүнэн ааҕыллар 17 кыбаарталтан көһөрүлүннэ, билигин онно анал казначейскай кирэдьиит көмөтүнэн “Спортивнай” диэн саҥа түөлбэ тутуллан тахсыа.
Дойду баһылыгын сорудаҕынан 60,5 млрд солкуобайдаах көһөрүү кыраапыгын былаанын барыла оҥоһуллубут, ол Территориялары сайыннарар пуонданы кытта сөбүлэһиллибит.
Саха сирин Ил Дархана маны тэҥэ доруобуйа харыстабылыгар каадырдары элбэтэр, тардар сыалтан мединститут саҥа дьиэтэ тутуллар боппуруоһун көтөхтө.
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…