Саха Өрөспүүбүлүкэтин Ил Дархана Айсен Николаев Арассыыйа Судаарыстыбаннай былааҕын күнүнэн эҕэрдэлиир.
Ытыктабыллаах Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан эһигини Арассыыйа былааҕын күнүнэн ис сүрэхпиттэн эҕэрдэлиибин!
1991 сыл атырдьах ыйын 22 күнүгэр үс өҥнөөх былаах Россия Федерациятын дьиҥ таһымнаах былааҕынан билиниллибитэ. Биһиги үс өҥнөөх былаахпыт судаарыстыба сүрүн бэлиэлэриттэн биирдэстэрин быһыытынан Аҕа дойдубут күүһүн уонна тутулуга суоҕун туоһулуур, олохпутугар буолар суолталаах түгэннэргэ арыаллыыр, олорон ааспыт аҕа көлүөнэ уонна аныгы көлүөнэ дьон килбиэннээх үлэлэринэн уонна хорсун охсуһууларынан сүдү кылааттарын киллэрбит улууканнаах устуоруйабытын кэрэһилиир.
Бүгүн судаарыстыбаннай былаахпыт Россия Федерациятын элбэх омуктаах норуотун модун санаатын уонна сарсыҥҥы күҥҥэ бигэ эрэллээҕин көрдөрөр. Саха сирэ дойдубут биир бөдөҥ эрэгийиэнин быһыытынан социальнай сайдыы уонна экэниэмикэ эйгэлэригэр үрдүк көрдөрүүлэри ситиһэн тэтимнээхтик сайдар, нэһилиэнньэ ахсаана улаатан, ааспыт сылга 1 мөл киһини куоһарбыта. Биһиги эрэгийиэммит оҕо төрөөһүнүнэн Уһук Илиҥҥэ бастакы, Арассыыйаҕа – ахсыс, оттон хас биирдии бэһис дьиэ кэргэммит – элбэх оҕолоох.
Бүгүн үс өҥнөөх былаахпытын күөрэччи тутан Саха сирин олохтоохторо дойдубут бүттүүнүн кытта Улуу Арассыыйабыт уонна Аан дойдубут кэскилин нацизмтан туруулаһан көмүскүүллэр. Өстөөхтөрбүт туора өйү-санааны, идеологияны соҥноон, аан дойдуга буолар уларыйыылартан туората сатыыллар. Оннооҕор Олимпиада бириинсиптэрэ тэпсиллэн, оонньууларга биһиги Ийэ дойдубут былааҕа бобуллубута. Ол эрээри биһиги үйэлээх сыаннастарбыт уонна үтүө үгэстэрбит халбаҥнаабаттарыгар бигэ эрэллээхпит. Бүгүн Арассыыйа дьиҥнээх култуура, патриотизм уонна дьоруойдуу быһыы тиллиитин кэрэһилиир.
Былаахпытын күөрэччи тутан Кыайыыга тиийиэхпит уонна тутулуга суох, чэчирии сайдар күүстээх судаарыстыбаны салгыы тутуохпут диэн бигэ эрэллээхпин. Судаарыстыбаннай былаахпыт эйэлээх халлааны, дойдубут бигэ туруктаах, чэлгийэ сайдыбыт олоҕун кэрэһилии, тапталлаах Арассыыйабыт саргылаах сарсыҥҥытын туһугар эппиэтинэспитин мэлдьи саната туруохтун.
Күндү Саха сирин олохтоохторо! Бу бэлиэ күн барыгытыгар кытаанах доруобуйаны, дьолу-соргуну, этэҥҥэ буолууну, ситиһиини, уйгуну баҕарабын!
Саха Өрөспүүбүлүкэтин Ил Дархана Айсен Николаев
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.