Хаартыска: видеоттан скриншот.
Бэҕэһээ дойду бэрэсидьиэнэ Владимир Путин байыаннай эпэрээссийэҕэ тугунан даҕаны кэмнэммэт хорсун быһыыны көрдөрбүт икки саха байыаһыгар Арассыыйа Дьоруойа аатын иҥэрбитэ.
Ил Дархан Айсен Николаев: “Бүгүн биһиги өрөспүүбүлүкэбитигэр чахчы устуоруйаҕа киирэр күн – аатырбыт Дьоруойдар кэккэлэригэр икки саха киһитэ киирдэ! РФ бэрэсидьиэнэ Владимир Владимирович Путин Курскай сиригэр-уотугар Курскайдааҕы кыргыһыыга кыайыы 80 сылын бэлиэтиир күҥҥэ биһиги биир дойдулаахтарбытыгар – аан дойдуга тиийэ суон сураҕырбыт “Алёша” тааҥка экипаһын чилиэннэригэр Филипп Евсеевка уонна Алексей Неустроевка Арассыыйа Дьоруойа сулустары туттарда!
Владимир Владимирович тыл этэригэр бэлиэтээбитинэн, биһиги байыастарбыт бары биир соруктаахтар – ыарахан түгэҥҥэ Аҕа дойдуну уонна бэйэ норуотун кытта бииргэ буолуу, биһиги эһэлэрбит, хос эһэлэрбит Курскайга 80 сыл анараа өттүгэр дойдуларын көмүскээбиттэрин курдук көмүскүүр! Бэйэлэрин харыстаммакка туран хорсун быһыыны оҥорбут уонна эр санааны көрдөрбүт экипажка махтанна.
Ис сүрэхпиттэн үтүөлээх ааты ылбыккытынан эҕэрдэлиибин! Арассыыйа Дьоруойдара, эһиги үтүө ааккытын өрөспүүбүлүкэбит уонна бүтүн дойдубут устуоруйатыгар киллэрдигит. Саха сирэ эһигинэн киэн туттар!”, — диэн Телеграм ханаалыгар санаатын, эҕэрдэтин тиэрдэр. Чахчы икки бүк бэлиэ күн ааста!
Бэрэбиэркэ хамнаһы, уоппусканы уонна бүтэһиктээх төлөбүрү төлүүргэ хойутатыы тахсыбытын, үлэ харыстабылын салайар систиэмэни оҥоруу уонна…
Алдан оройуонун Аллараа Кураанах бөһүөлэгин баһылыга Александр Усенко байыаннай дьайыы кыттыылааҕын аҕатын Хикмет Искандеровы кытта…
Полиция Дьокуускай олохтооҕор иирсээн кэмигэр бииргэ олорор дьахтарын төлөпүөнүн алдьаппытын иһин холуобунай дьыаланы тэрийдэ. ИДьМ…
Уус Алдан улууһун дьаһалтата, тэрилтэ салайааччылара байыаннай дьайыы кыттыылаахтарын, төрөппүттэрин, дьиэ кэргэттэрин кытта көрсүбүттэр. …
Ааспыт өрөбүллэргэ Дьокуускай куоракка 7 суол быһылаана тахсан, 3 киһи араас эчэйиини ылбытын туһунан Госавтоиниспиэксийэ…
Сунтаар улууһугар ааспыт сылга норуот ырыаһыта, олоҥхоһут, сыанаҕа үҥкүү култууратын төрүттээччи Сергей Зверев-Кыыл Уола төрөөбүтэ…