Хаартыска sakha.gov.ru ылылынна
Саха Өрөспүүбүлүкэтин салалтатын уонна тус бэйэм ааппыттан Ийэ күнүнэн истиҥник эҕэрдэлиибин!
Бу Арассыыйа бары олохтоохторун биир саамай кэрэ бырааһынньыктарынан буолар. Оттон биһиги, Саха сирин олохтоохторо, иккитэ — дойду уонна өрөспүүбүлүкэ таһымыгар бэлиэтиир кыахтаахпыт. Бу дьиэ кэргэн саамай сүрүн киһитин тула түмсэр өссө биир үтүө төрүөтүнэн буолар.
Арассыыйаҕа дьиэ кэргэн үгэс буолбут сыаннастарын харыстааһын — РФ Бэрэсидьиэнэ Владимир Владимирович Путин бэлиэтиир национальнай приоритеттарыттан биирдэстэрэ. Ол туоһутунан, 2024 сыл Дьиэ кэргэн сылынан биллэриллибитэ буолар. Биллэн турар, туох ханнык иннинэ, ийэни уонна оҕо аймаҕы өйүүргэ туһуламмыт элбэх саҥаны киллэриилэр бааллара ону бигэргэтэр.
Саха сирэ дойдуга демографическай көрдөрүүтүнэн бастыҥнарга киирсэр. 34 тыһыынча элбэх оҕолоох ыалга 119 тыһыынча оҕо улаатар. Бу бастатан, үүнэр көлүөнэни иитиигэ сөптөөх усулуобуйа тэриллибитин көрдөрөр.
Биһиги судаарыстыба өйөбүллэрин салгыыбыт уонна саҥалары тэрийэбит. «Дьиэ кэргэн» өрөспүүбүлүкэтээҕи ийэ хапытаалын кээмэйэ үрдээбитэ, «Высшая благодарность матери» бэлиэ хаһаайыттарыгар биир кэмнээх харчынан төлөбүр туттарыллар. Судаарыстыбаннай наҕараадалаах уонна түөртэн элбэх оҕону төрөппүт ийэлэргэ «Үлэ бэтэрээнэ» ааты иҥэрии, бу ийэ үлэтин сэргэ, оҕону иитиигэ, улаатыннарыыга улахан, үрдүк эппиэтинэһи сүгэрин билинии, сыаналааһын бэлиэтинэн буолар.
Бу бэлиэ күҥҥэ хас биирдиигитигэр муҥура суох махтал тыллар ананаллар. Сылаас сыһыаҥҥытынан, тапталгытынан угуттуур элбэх оҕолоох уонна оҕолору иитэр ийэлэргэ махталбын тиэрдиэхпин баҕарабын.
Ийэ дойдуларын көмүскээн байыаннай дьайыыга сылдьар оҕолордоох ийэлэргэ, байыастар кэргэттэригэр сүгүрүйэбин. Арассыыйа судаарыстыбатын баай историятыгар дьахтар өйөбүлүнэн эр киһини быыһаабытын, киниэхэ күүһү-күдэҕи, эрэли биэрбитин туһунан элбэх холобур баар. Бүгүн да оннук түбэлтэлэр элбэхтэр.
Хас биирдиигитигэр дьолу-соргуну, этэҥҥэ буолууну баҕарабын! Оҕолоргут тапталыгар бигэнэн үөрэ-көтө сылдьыҥ! Эһиги баар буолаҥҥыт, биһиги дьоллоохпут!
Саха Өрөспүүбүлүкэтин Ил Дархана Айсен Николаев
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…