Ил Дархан Арассыыйаҕа саҥа эрэгийиэннэр холбоспут күннэринэн эҕэрдэлиир

Российскай Федерация Бэрэсидьиэнэ Владимир Путин көҕүлээһининэн дойдубут олохтоохторугар барыларыгар улахан суолталаах бэлиэ даата олохтоммута — Донецкай Норуодунай Өрөспүүбүлүкэ, Луганскай Норуодунай Өрөспүүбүлүкэ, Запорожскай уобалас уонна Херсонскай уобалас Российскай Федерацияҕа холбоспут күнэ.

Саха Өрөспүүбүлүкэтин салалтатын уонна тус бэйэм ааппыттан бу эрэгийиэннэр Арассыыйаҕа холбоспуттара биир сыла буолбутунан эҕэрдэлиибин!

Биир сыллааҕыта, 2022 сыл балаҕан ыйын 23-27 күннэригэр, бүтүн норуоттааҕы референдум ыытыллан, мөлүйүөнүнэн киһи бэйэтин баҕатын биллэрэн, бэйэлэрин уонна утумнааччыларын дьоллоох, көҥүл олоҕун санааннар Арассыыйаҕа олороллорун талбыттара. Балаҕан ыйын 30 күнүгэр РФ Бэрэсидьиэнэ Владимир Путин уонна эрэгийиэннэр баһылыктара Арассыыйа территориятыгар холбоһоллорун туоһулуур дуогабарга илии баттаспыттара.

Бу историческай күн олус улахан суолталаах. Аан дойду геополитическай тутулугар сүҥкэн уларыйыылары киллэрбитэ, дойдубут бөҕө туруктаах уонна сайдылаах буоларыгар кыаҕы биэрбитэ. Бу күн биһиги дойдубут сомоҕолоһуулааҕын, ыарахан күҥҥэ көмөлөһөр бэлэмнээҕин санатар.

Саха сирэ Донецкай Өрөспүүбүлүкэ Кировскай куоратын кытта шефтэһэр. Бу соторутааҕыта куораты тупсаран оҥоруу кэнниттэн «Кыайыы» култуура паарката аһыллыбыта. 2022 сылга биһиги исписэлиистэрбит 31 эбийиэги чөлүгэр түһэрбиттэрэ. Быйыл өссө 28 эбийиэк сөргүтүллэр, ол иһигэр икки оскуола, үс уһуйаан, куораттааҕы балыыһа уонна бибилэтиэкэ. Уулуссалар тутуллаллар, элбэх функциялаах киин үлэҕэ киирбитэ. Маннык киэҥ хабааннаах үлэни өрөспүүбүлүкэбит өссө да салгыы ыытыаҕа.

Эйэни, дьолу, туох баар үтүөнү, саҥа ситиһиилэри баҕарабын!

Саха Өрөспүүбүлүкэтин баһылыга А.С. Николаев.