Ил Дархан Арассыыйатааҕы устудьуоннар этэрээттэрин күнүнэн эҕэрдэлээтэ

Бүгүн, олунньу 17 күнүгэр, Арассыыйатааҕы устудьуоннар этэрээттэрин күнэ бэлиэтэнэр.  

Өрөспүүбүлүкэ баһылыга Айсен Николаев бэйэтин телеграм-ханаалыгар 2015 сылтан бэлиэтэнэр бу бэлиэ күнүнэн эҕэрдэтин тиэртэ. Ил Дархан Саха сирин устудьуоннарын этэрээттэрин байыастарын бу суолтаах күнүнэн истиҥник эҕэрдэлээн туран, түөрт  тыһыынча байыас сыралаах үлэтинэн тулалыыр эйгэни   тупсарар үлэҕэ көхтөөхтүк кыттарын бэлиэтээтэ.

Сыл аайы устудьуоннар этэрээттэрэ куораттарга сэлиэнньэлэргэ оҕо лааҕырдарыгар уонна тутууларга араас үлэни толорон, дьоҥҥо-сэргэҕэ олус наадаалаах үлэни оҥороллор, өйөбүл буолаллар. Былырыын устудьуоннар этэрээттэрэ халааҥҥа улаханнык эмсэҕэлээбит, Нам уонна Өлүөхүмэ улуустарын олохтоохторугар айылҕа иэдээнин содулун туоратыыга бэйэлэрин кылааттарын киллэрбиттэрин туһунан бэйэтин телеграм-ханаалыгар суруйда.

Маны тэҥэ, Ил Дархан быйыл “Снежный Десант РСО. Десант Победы” диэн дойду таһымыгар ыытыллар аахсыйаҕа кыттыахтара. “Байыастар нэһилиэктэргэ тиийэн тыыл бэтэрээннэригэр көмөлөһүөхтэрэ, пааматынньыктары саҥардыахтара, оскуола оҕолорун кытта араас ис хоһоонноох көрсүһүүлэри тэрийиэхтэрэ”, — диэн бэлиэтээтэ Айсен Николаев.