Мария Васильева хаартыската, СИА.
Саха Өрөспүүбүлүкэтин салалтатын аатыттан Арктика күнүнэн истиҥник эҕэрдэлиибин!
Бу биһиги бырааһынньыкпыт — Саха сирэ Арассыыйа Арктикатааҕы сирин-уотун үс гыммыт биирин ылар. Манна улахан, ураты сирдэр, хоһуун дьонноох нэһилиэнньэлээх пууннар бааллар. Кинилэр төрөөбүт дойдуларын туохтааҕар да таптыыллар.
Бэрэсидьиэн Владимир Путин бэлиэтээбитинэн, Арктика биһиги дойдубутугар приоритет буолара, экэниэмикэ өттүнэн сөҕүмэр кыахтааҕа саарбаҕа суох.
Арктика күнэ — бу сир биһиэхэ улахан суолталааҕын өссө төгүл өйдүүр-саныыр кыаҕы биэрэр. Биһиги үүнэр көлүөнэлэргэ эппиэтинэстээхпитин өйдүөхтээхпит — айылҕаны, баайын-дуолун харыстыахтаахпыт, кини туһунан билиини тиэрдиэхтээхпит. Арктика ураты намчы айылҕатын, эко-систиэмэтин, кыылын-сүөлүн, үүнээйилэрин харыстыахтаахпыт.
«Арктика синергията» бырайыак уонна «Ыраас Арктика» федеральнай бырайыак тулалыыр эйгэни харыстыырга, олох хаачыстыбатын тупсарарга дьулуһуубутун көрдөрөллөр. 700 туонна бөҕү-саҕы хомуйдубут.
Ыраах сытар сэлиэнньэлэргэ 4G сибээс киирэрин, чох, тутуу матырыйаала тиэрдиллэрин ситистибит. 2024 сыллаахха Эдьигээҥҥэ спортивнай, этнокултуурунай комплекс тутулунна. Усуйаана Хаһааччыйатыгар быраастаах амбулатория уонна 7 биэлсэр-акушер пууннара тутулуннулура.
«Ыраас уу» бырагырааманан Дьааҥы Баатаҕайыгар ууну ыраастыыр ыстаансыйа тутуллан киирдэ. Быйыл Аллайыаха Чокурдааҕар канализационнай-ыраастыыр тутуу киириэҕэ.
2035 сылга диэри Арктикаҕа Тыа хаһаайыстыбатын сайыннарыы кэнсиэпсийэтэ ылылынна. Баатаҕайга уонна Муома Хонуутугар икки эргиэн-логистика киинэ, Дьааҥы, Өлөөн улуустарыгар үүт аһы оҥорон таһаарар сыахтар үлэҕэ киирдилэр. Маны тэҥэ, Арктикаҕа научнай үлэ салҕанар.
Биһиги инникибит диэки эрэллээхтик көрөбүт: Арктиканы сайыннарар саҥа бырайыактары олоххо киллэриэхтээхпит.
Күндү доҕоттор! Төрөөбүт дойдубутун өссө сайдыылаах, тупсаҕай оҥорорго бары бииргэ үлэлиэххэйиҥ! Арктика айылҕата уонна култууратыгар тапталбыт саҥа кыайыыларга сирдии, үүнэ-чэчирии турдун!
СӨ Ил Дархана Айсен Николаев.
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…