Хаартыска: www.sakha.gov.ru
Ил Дархан Айсен Николаев Москваҕа Уһук Илин уонна Арктика сайдыытын миниистирэ Алексей Чекунковы кытта көрүстэ.
Эрэгийиэн баһылыга уонна биэдэмистибэ салайааччыта өрөспүүбүлүкэ экэнэмиичэскэй уонна социальнай сайдыытыгар, эрэгийиэн куораттарын маастар-былаанын олоххо киллэриигэ, Саха сирин дьонун олоҕун хаачыстыбатын үрдэтиигэ сыһыаннаах кэккэ тиэмэлэри быһаарыстылар.
Көрсүһүү иитинэн ыраах сирдэргэ олох усулуобуйатын тупсарыы, кэскиллээх бырайыактары өйөөһүн уонна саҥа сайдар кыахтары тэрийии боппуруостарын тула кэпсэттилэр. Чуолаан концессия мэхэньиисимин туһанан “Саханефтегазсбыт” ньиэпкэ баазаларын саҥардыы бырайыактарын олоххо киллэрии хаамыытын көрдүлэр.
Ону таһынан, Айсен Николаев уонна Алексей Чекунков өрөспүүбүлүкэҕэ улахан тэрээһиннэри ыытыыны быһаарыстылар. Олор кэккэлэригэр ыам ыйын бүтүүтүгэр былааннанар Уһук Илин креативнай индустриятын пуорумун уонна РФ Бэрэсидьиэнэ Владимир Путин сорудаҕынан Саха сиригэр аан маҥнайгытын тэриллэр оҕолорго аналлаах классическай муусуканы толоруу күрэһин кэпсэттилэр. Бу сорудаҕы судаарыстыба баһылыга өрөспүүбүлүкэҕэ былырыыҥҥы сырыытын түмүгэр биэрбитэ. Кини манна Василий Афанасьевич Босиков аатынан Муусука үрдүкү оскуолатын көрбүтэ-истибитэ.
Ил Дархан уонна Бырабыыталыстыба пресс-сулууспата.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…