Ил Дархан ат сүүрдүүтүн кыайыылааҕар 2,5 мөлүйүөнү туттарда
![](https://sakha-sire.ru/wp-content/uploads/2023/06/6d6fa91aad242e43d3bcc7db53d9d2a3ebf0c580-e1687740617484-900x596.jpg)
Туймаада ыһыаҕар Ил Дархан бирииһигэр өрөспүүбүлүкэтээҕи ат сүүрдүүтэ буолла. Уопсай бириис пуондата — 6 мөлүйүөн 200 тыһыынча солкуобай.
![](https://sakha-sire.ru/wp-content/uploads/2023/06/27b90e42464e6c4f4305c100bd2fcc39bd605ded.jpg)
Ил Дархан бирииһэ 2400 миэтэрэҕэ 4 саастарын ааспыт, өрөспүүбүлүкэҕэ төрөөбүт ыраас боруода хааннаах аттарга Ламан Леча (Строд аатынан ТХПК, Амма улууһа) кыайда. Тириэньэр-жокей — Спиридон Тимофеев. Кини 2 мүнүүтэ 38,26 сөкүүндэ көрдөрүүлээх. Айсен Николаев кыайыылаахха 2,5 мөлүйүөн солкуобайдаах сэртипикээти туттарда.
Иккис бирииһи — 1,25 мөлүйүөн солкуобайы Чурапчыттан Болотоков Кинээс ылла. Үһүс миэстэни — Намтан Аутлендер (750 тыһыынча солкуобай), төрдүһү — Сунтаартан Байсар Барс (500 тыһыынча солкуобай).
Ону тэҥэ, 1000 м («Сайыҥҥы» бириис) 2 саастарын туолбут, өрөспүүбүлүкэҕэ төрөөбүт ыраас боруода хааннаах сылгылар уонна 2 саастарын ааспыт ыраас боруода аттар («Критериум» бириис) сүүрдүлэр.
«Югория» уонна «РИК Плюс» бириистэргэ 1600 м 3 саастарын туолбут, өрөспүүбүлүкэҕэ төрөөбүт ыраас боруода хааннаах аттар сүүрдүлэр.
![](https://sakha-sire.ru/wp-content/uploads/2023/06/d4b4e5153165a758454c1a9b08d4a4a2153d8c6a.jpg)
![](https://sakha-sire.ru/wp-content/uploads/2023/06/f75e0dec9ceef87e3ea11427a95929dafdba2fd0.jpg)
![](https://sakha-sire.ru/wp-content/uploads/2023/06/ec0bafb2edc05ac103e7bedbae94f330117992bf.jpg)
![](https://sakha-sire.ru/wp-content/uploads/2023/06/8f745f685a37aae9b0d9ce735f063e66c7d6ab7a.jpg)
![](https://sakha-sire.ru/wp-content/uploads/2023/06/c0cf5ec6197000fbe15a3ef5d4879f729388e6ce.jpg)
![](https://sakha-sire.ru/wp-content/uploads/2023/06/c23fab81124d94da47827adaacab5685b1219589.jpg)
![](https://sakha-sire.ru/wp-content/uploads/2023/06/25ad9036d06575201f83156ca8971e1fc63a1381.jpg)
Ил Дархан бирииһигэр ат сүүрдүүтүн спонсордарынан — «Алмаасэргиэнбаан», «Саханефтегазсбыт», «Полярные авиалинии», «Югория», «НХЗ ГРУПП» тэрилтэлэр, СӨ бырабыыталыстыбата буоллулар.
Ил Дархан, бырабыыталыстыба дьаһалататын пресс-сулууспата.
Сообщить об опечатке
Текст, который будет отправлен нашим редакторам: