Хаартыска: Ил Дархан пресс-сулууспата
Айсен Николаев бэйэтин эҕэрдэтигэр бу бырааһынньык биһиэхэ халлаан куйаарын үөрэтиигэ киһи аймах сүҥкэн ситиһиилэрин санатарын бэлиэтээтэ.
Айсен НИКОЛАЕВ: «Оруобуна 63 сыл анараа өттүгэр, 1961 сыл муус устар 12 күнүгэр Юрий Гагарин киһи аймах устуоруйатыгар үйэлэргэ хаалар хорсун быһыыны оҥорбута. Быйыл Юрий Гагарин төрөөбүтэ 90 сылын туолла. Кини космоска көтүүтэ аан дойду бары мөлүйүөнүнэн дьонун санаатын көтөхпүтэ уонна космоһы чинчийэргэ саҥа эраны арыйбыта.
Биһиги өрөспүүбүлүкэбитигэр космонавтикаҕа интэриэс өйөнөр. Оҕо саас уонна Дьиэ кэргэн сылларын чэрчилэринэн кулун тутар 26-28 күннэригэр Дьокуускайга С.П.Королев аатынан ыччаттарга эрэгийиэннэр икки ардыларынааҕы наука III аһаҕас ааҕыылара саҕаламмыттара. Сүүмэрдиир түһүмэххэ Арассыыйа 700-тэн тахса үөрэнээччитэ кытынна, 380-тан тахса үлэ талылынна.
Соторутааҕыта биһиги оҕолорбут – Наука Дьоҕус академиятын «КосмоМАНиЯ» аан дойдутааҕы үөрэх бырагырамаатын кыттыылаахтара Саха сирин устуоруйатыгар бастакы стратосфернай спутнигы толкуйдаан, 31500 миэтэрэ үрдүккэ көтүппүттэрэ. Спутниктан ылыллыбыт чахчылар оҕолор бырайыактарын үөрэтиигэ уонна сайыннарыыга туһаныллыахтара. Бырагырааманы Арассыыйа наукаҕа сүрүн үөрэҕин тэрилтэлэрин кытары үлэлэтэллэр.
Космонавтика баар буолуоҕуттан ыла үгүс киһи кэрэхсэбилин ылбыта. Холобур, энтузиаст, Уус Алдан улууһун Дүпсүн орто оскуолатын географияҕа эдэр учуутала Иван Жирков көмөтүнэн 1974 сыллаахха Саха сиригэр космонавтика уонна авиация бастакы уонна соҕотох түмэлэ аһыллыбыта. Мусуой быйыл 50 сылын туолар! Арассыыйа космонавтикатын түмэллэрин ассоциациятын чилиэнинэн буолар бу түмэл 7 тыһыынчаттан тахса дьикти уонна сэдэх экспонаттаах”,- диэтэ.
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…