Ил Дархан байыаннай дьайыы хонуутугар саалары уонна дроннары тиксэрдэ

Ил Дархан Айсен Николаев  Илиҥҥи бөлөҕүн хамандыырын кытары байыастарга «Сдай ружье на СВО» аахсыйанан хомуллубут саалары, ону тэҥэ анал байыаннай дьайыы зонатыгар байыаннай  чаастарынан дроннары туттарда.

«Байыастарбыт ааттарыттан уонна тус бэйэбиттэн аахсыйаттан туора туран хаалбатах дьоҥҥо-сэргэҕэ улахан махталбын тиэрдэбин! Биһиги сомоҕолостохпутуна — биһиги кыайтарыахпыт суоҕа! Бу көмө биһиги буойуннарбытыгар көмөлөһүөҕэ уонна кинилэргэ күүтүллүбүт кыайыыны чугаһатарга көмөлөһүө диэн эрэнэбин», – диэтэ Ил Дархан Айсен Николаев.

Бу аахсыйа көҕүлээччинэн «Биир Ньыгыл Арассыыйа» баартыйа Саха сиринээҕи  салаата буолбута. Аахсыйаҕа ким баҕалаах кыттан, саатын туттарбыта. Саха сиригэр бу аахсыйаҕа элбэх киһи кыттыыны ылбыта — икки нэдиэлэ иһигэр сүүһүнэн тыһыынча саа хомуллубута. Доруобунан ытар саа өстөөхтөр дроннарын суох оҥорууга бэркэ көмөлөһөр уонна биһиги байыастарбытыгар олус наадалаах.