Салгыы
Ил Дархан байыаннай дьайыы кыттыылаахтарыгар судаарыстыбаннай наҕараадалары туттарда

Ил Дархан байыаннай дьайыы кыттыылаахтарыгар судаарыстыбаннай наҕараадалары туттарда

Ааптар:
23.02.2023, 14:14
СИА. Андрей Сорокин хаартыскалара
Бөлөххө киир:
Бүгүн Ил Дархан  Айсен Николаев  Аҕа дойдуну көмүскүү сылдьар байыаннай дьайыы кыттыылаахтарыгар судаарыстыбаннай наҕараадалары үөрүүлээх быһыыга-майгыга туттарда.

«Бүтэһик сылга, байыаннай эпэрээссийэ ыытыллар кэмигэр, Аҕа дойдуну көмүскээччи оруола хас да бүк улаатта.  Бу – биһиги дойдубутугар ураты суолталаах быраа­һынньык. Биһиэхэ судургута суох тургутуу кэмэ кэллэ.  Барыбытыгар уустук уонна  аймалҕаннаах кэмнэр үүннүлэр. Эһиги кырдьык иһин Аҕа дойду көмүскэлигэр сылдьаҕыт, куттал суох буолуутун хааччыйаҕыт», — диэн  Ил Дархан байыаннай дьайыы кыттыылаахтарыгар туһаайан эттэ. Итиэннэ  Ил Дархан өрөспүүбүлүкэ байыаннай дьайыы кыттыылаахтарын уонна кинилэр дьиэ кэргэттэрин өйүүр аадырыстаах көмө судаарыстыбаннай пуондатын тэрийии туһунан дойду Аҕа баһылыгын көҕүлээһинин өйүүрүн туһунан иһитиннэрдэ.

Социальнай өйөбүлгэ номнуо миллиардтан тахса үп-харчы ыытылынна. Биир кэлим координационнай киин көдьүүстээхтик үлэлээн, байыаннай дьайыыга сылдьар буойуттарга күүс-көмө буоларын кэпсээтэ.

Бу күн  РФ судаарыстыбаннай наҕараадалара   11 буойуҥҥа туттарылынна.

Байыаннай дьайыыга хорсун быһыыларын иһин  «Эр санаа» уордьанынан  Леонтий Леонтьевич  Докторов,  Айан Николаевич Долгунов, Кирилл Владимирович Шерстянников наҕараадаланнылар. Маны таһынан туһааннаах уордьанынан, хомойуох иһин, биһиги кэккэбитигэр номнуо суох  Жаргал Дашеевич Занданов, Александр Владимирович  Зубко уонна  Евгений Васильевич Китчегясов  дьонноругар туттарылынна.

«За заслуги перед Отечеством» уордьан II истиэпэнинэн Лев Платонович Слепцов уонна  Георгий Андреевич Федоров, ону таһынан  «За отвагу»  мэтээлинэн  Константин Николаевич Анисимов,  Илья Андреевич Делиграсов уонна  Суоһун Уохтаан Туолун-Уола наҕараадаланнылар.

Наҕараадаламмыт буойуттар  ааттарыттан  Илья Делиграсов Ил Дархаҥҥа уонна Саха Өрөспүүбүлүкэтин бырабыыталыстыбатыгар байыаннай дьайыыга сылдьар уолаттарга уонна кинилэр чугас дьонноругар көмөлөрүн иһин махтанна.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 63% Скорость ветра: 1 м/с

Сообщить об опечатке

Текст, который будет отправлен нашим редакторам: