Хаартыска: СӨ Ил Дарханын пресс-сулууспата
Айсен Николаев СӨ Судаарыстыбаннай мунньаҕын (Ил Түмэн) дьокутааттарын уонна СӨ бырабыыталыстыбатын чилиэннэрин кытары оробуочай мунньаҕы ыыттта. Мунньахха билигин ордук суолталаах боппуруоһу – биһиги байыаннай сулууспалаахтарбытын өйөөһүн туһунан дьүүллэстилэр.
Быйыл байыаннай сулууспалаахтар, байыаннай дьайыылар бэтэрээннэрин дьыалаларыгар, патриоттуу иитии уонна уопсастыбаннай тэрилтэлэр боппуруостарыгар Ил Түмэн бастайааннай кэмитиэтэ тэриллибитэ. Кэмитиэт бэрэссэдээтэлинэн Александр Григорьевич Подголов талыллыбыта. Кэрэхсэбиллээҕэ диэн, норуодунай дьокутааттар ортолоругар байыаннай эпэрээссийэ кыттыылаахтара – Саха сириттэн Арассыыйа бастакы дьоруойа Александр Гаврильевич Колесов уонна “Барс-2” батальон хамандыыра, “Хорсунун иһин уордьан” кавалера Василий Иванович Егоров бааллар. Ону сэргэ кэмитиэт чилиэннэрэ, норуодунай дьокутааттар Иван Петрович Луцкан уонна Светлана Николаевна Давыдова байыаннай эпэрээссийэ бастакы күннэриттэн Донбасс олохтоохторугар уонна биһиги байыастарбытыгар улаханнык көмөлөспүттэрэ. Онтон норуот дьокутааттара Николай Дмитриевич Бугаев уонна Виталий Семенович Чикачев — байыаннай сулууспалаахтары өйөөһүҥҥэ уонна саҥа эрэгийиэннэри чөлүгэр түһэриигэ биир саамай көхтөөх үлэлээх дьон.
Айсен Николаев биһиги байыастарбытыгар тустаах көмөнү оҥорбут уонна оҥоро сылдьар норуот дьокутааттарыгар улахан махталын биллэрдэ.
Ыллыктаах кэпсэтии түмүгэр биһиги байыаннай сулууспалаахтарбытын уонна кинилэр дьиэ кэргэттэрин өйөөһүнү өссө хайдах тупсарарга санааларын үллэһиннилэр, сонун этиилэри киллэрдилэр.
Бу күннэргэ күн-дьыл хайдаҕый? Төһө тымныйарый? Хаар түһэр дуо? Күнү-дьылы кэтээн көрөөччүлэр туох дииллэрий? Хотугулуу-илин…
«Кыһын Саха сириттэн саҕаланар» бэстибээл чэрчитинэн бэрт үгүс тэрээһин буолан ааста. Биир оннук дьон уоһуттан…
Бу 2025 сыл тохсунньутуттан ахсынньы 2 күнүгэр диэри Амур уобалаһын уонна Саха Өрөспүүбүлүкэтин Россельхознадзорун управлениетын…
Өрөспүүбүлүкэбитигэр «Үһүс көлүөнэ оскуолата» тэриллэн үлэлээбитэ балай да кэм ааста. Аҕам саастаах дьон, дьиэҕэ хаайтаран…
Дьокуускай куоракка «Биир ньыгыл Арассыыйа» баартыйа уопсастыбаннай өйөбүлүн ыстаабыгар Доброволецтар күннэригэр анаммыт тэрээһин буолан ааста.…
Арассыыйа норуотун артыыһа Лариса Долина кини кыбартыыратын атыыласпыт Полина Лурьеҕа 112 мөл. солк. төнүннэрэр санаалааҕын…