Ааптар хаартыскалара
Бүгүн Ил Дархан Айсен Николаев «Биир ньыгыл Арассыыйа» баартыйаны өйөөччүлэр пуорумнарын үөрүүлээх аһыллыытыгар, билигин бары болҕомто байыаннай дьайыылар зоналарыгар буола турар быһыыга-майгыга ууруллар диэн эттэ.
«Дойдубут арҕаа өттүгэр кытаанах киирсии бара турар. Ити арҕаа дойдулары кытары киирсиигэ утары туруубут уонна кыайыыбыт – биһиги ытык иэспит. Саха дьоно былыр- былыргыттан түмсэри, тулуйары уонна хорсун быһыыны көрдөрөрү сатыыр. Саха сирэ мэлдьи дойду эрэллээх экэнэмиичэскэй тыылынан буолара, оннук даҕаны буолуо», — диэн бэлиэтээн эттэ Айсен Николаев.
«Биир ньыгыл Арассыыйа» баартыйа бастакынан дьоҥҥо көмөҕө тиийэр. Биһиги сорукпут – байыаннай дьайыыларга сылдьар байыастарбыт дьиэ кэргэттэригэр болҕомтолоохтук сыһыаннаһыы, кинилэри харыстааһын. Ол туһунан дойду Бэрэсидьиэнэ Владимир Владимирович Путин эмиэ этэр. Хас биирдии байыаннай дьайыы кыттыылааҕа, ханна олороруттан тутулуга суох, биир кэлим чэпчэтиини, көмөнү ылыахтаах. Ол «Биир ньыгыл Арассыыйа» баартыйа сүрүн позицията буолар», — диэн бэлиэтээтэ Айсен Николаев.
Пуорум үөрүүлээх аһыллыытын түмүктүүр чааһыгар Ил Дархан Айсен Николаев байыаннай дьайыылар кыттыылаахтара, баартыйа чилиэннэрэ Иосиф Слепцовка уонна Батыр Васильевка Махтал суругу уонна кыыннаах быһаҕы туттартаата.
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…