Хаартыска: Андрей Сорокин, СИА.
Ситэриилээх былаас уорганнара байыаннай дьайыыны өйүүргэ олоччу мобилизованнай буолар эбээһинэстээхтэр. Бу туһунан Айсен Николаев Судаарыстыбаннай Мунньах (Ил Түмэн) иннигэр 2023 сыллааҕы өрөспүүбүлүкэ ситэриилээх былааһын уорганын үлэтин түмүгүн туһунан отчуотун кэмигэр эттэ.
Айсен Николаев этэринэн, Саха сирэ байыаннай дьайыы ыытыллар сиригэр эбии тиэхиньикэни, тэрили, таҥаһы-сабы, байыастарга ирдэниллэр малы барытын тиһигин быспакка тириэрдэ турар. Манан ДНӨ уонна ЛНӨ баар тирэх пууннар дьарыктаналлар. Тирэх пууннар Арассыыйа Аармыйатыгар көмөнү тэрийиигэ эрэгийиэннээҕи ураты уопутунан буолаллар.
“Саха сирин байыастара эр санаалаахтык сэриилэһэллэр, номнуо сэттэ биир дойдулаахпыт Арассыыйа Дьоруойа үрдүк аатын ылла. Байыастарга уонна кинилэр дьиэ кэргэттэригэр көмөлөһүү туһунан эттэххэ, билигин 40-тан тахса эрэгийиэннээҕи уонна улуус таһымнаах өйөбүл миэрэтэ баар. Байыаннай дьайыы кыттыылаахтарыгар уонна кинилэр дьиэ кэргэттэригэр биир кэмнээх төлөбүр, босхо сир учаастага көрүллэр, юрист уонна уйулҕаһыт сүбэ оҥорор.
Байыаннай дьайыы кыттыылаахтарын оҕолоро үрдүк, орто үөрэхтэргэ киирэллэригэр өйүүллэр, уһуйааҥҥа төрөппүт төлөбүрүттэн, куруһуокка төлөбүрдэртэн босхолоноллор, оскуолаларга итии аһылыгынан, санаторнай-курортнай сынньалаҥҥа путевканан хааччыллаллар” – диэн Айсен Николаев эттэ.
Ил Дархан уонна Бырабыыталыстыба пресс-сулууспата.
Бүгүн, ахсынньы 23 күнүгэр, олохтоох бириэмэнэн 12.00 ч. Ил Дархан Айсен Николаев сыл аайы ыытыллар…
Порталга “жизненная ситуация” диэн саҥа раздел баар буолбут. Манна дьиэ кэргэн иһигэр күүһүнэн өттөйүү көрүҥнэригэр…
СӨ урбааҥҥа, эргиэҥҥэ уонна туризмҥа миниистирэ Георгий Андреев бүгүн, ахсынньы 23 күнүгэр, СӨ Ил Дарханын…
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…